13

Ira / 2013

Liburu Dantzaren bigarren urteurrena

Autorea:

Jose Manuel Bielsa, Ana Azpiri Donostia San Sebastián : arkitekturak = arquitecturas = architectures
Nerea, 2013
265 orrialde 48 €                 ISBN 9788415042563

 

2011ko irailaren 13an Donostia Kulturako liburutegietako lankideok Liburu Dantza blogari hasiera eman genion eta gaur bi urte betetzen ditu. Azken urte honetan post 38 post idatzi ditugu, aurreko urtean baino 12 gutxiago eta zazpi lankide izan gara parte hartu dugunok. Gehienak helduentzako eleberrien gomendioak izan dira, baina haurrentzako ipuinak ere gomendatu dira, baita saiakera, artea, biografia eta Donostiari buruzko argitalpenak.

Hain zuzen, bigarren urteurrenaren post honetan Donostiako arkitekturari buruzko argazki liburu berri bat gomendatzen dugu. Nerea argitaletxeak kaleratu duen argitalpen dotore eta ikusgarriaren testua Ana Azpirirena da eta argazkiak, berriz, Jose Manuel Bielsarenak. Argazki zale eta arkitektura zaleentzat oso gomendagarria, liburutegietako Donostia bilduma saileko ale preziatua izatea espero dugu.

 

24

Ira / 2012

Casinos donostiarras

Autorea:

Casinos donostiarrasCasinos donostiarras
Carlos Blasco Olaetxea, Lola Horcajo Calixto, Juan José Fdez. Beobide

Revista San Sebastián nº 2
, 2012
443 orrialde
. 25 €

 

Carlos Blasco, Lola Horcajo eta Juanjo Fernandez Bebidek osatzen duten lantaldeak San Sebastián aldizkariaren bigarren zenbakia Casinos donostiarras izenekoa argitaratu berri du. Hain zuzen, aurten dira 125 urte Donostiako Kasino Handia sortu zela, XIX. mendeko europear kasinoen estilokoa, egun Udaletxea dagoen eraikinean. Liburu mardula da, laurehun orritik gora ditu koloredun irudiekin, eta erakinari buruzko zehaztapen ugari azaltzen ditu; horretaz gain garai hartako kasino eta aisialdirako guneen deskribapena egiten du, besteak beste, Martuteneko Kursaal, Igeldo Mendiko Kasinoa eta Itsas Kursaal Handia.

Gehiago irakurri

30

Mar / 2012

San Sebastián: palacios, parques y jardines, Fermín Muñoz Echabeguren

Autorea:

Fermín Muñoz Echabeguren
San Sebastián: palacios, parques y jardines      
Erein, 2012
196 orrialde. 12€
ISBN 9788497467414

Fermin Muñoz Echabeguren-en liburu zoragarri honek Donostiako zortzi berdegunen istorioa kontatzen digu, horietako bost, Pierre Ducasse lorazainak diseinatuak izan ziren. Ducasse, 1875ean azaldu zen Donostian, aurretik Zarautzen lorazaintzan ibilia zen, Narros markesaren jauregian. Beste hiru parkeak gure egunetakoak dira.

Ducasse frantsesa izan arren, lorategiak diseinatzerakoan ingeles estiloan oinarritu zen. Berari zor zaizkio, besteak beste, Kontxa pasealekuko tamarindoak.

Ibilbidea Aiete-ko Jauregian hasten da eta bertako istorioa kontatzen digu hastapenetik Kultur Etxearen irekiera arte 2010ean.

Beste leku enblematiko bat Miramar Jauregia izango da, jauregiarekin batera Kontxako tunela eraiki zen eta baita Loretopeko kai txiki ere errege-erreginaren familiarentzat.

Cristina-Enea-ko lorategi edo baso txikia ere Ducassek diseinatuak izan ziren. Jauregia, Fermin Lasala Collado, Mandas-eko dukeak eraiki zuen eta zuzeneko oinordekorik gabe hil zenez, Donostiako hiriari eman zion etxaldea. Hainbat urtetan ardura gabe egon eta gero berritze lanak oso eztabaidatuak izan ziren. 2009.an Europako Kontseiluak bigarren paisaia onenaren saria eman zion. Gehiago irakurri

15

Mar / 2012

Hospital Civil de San Antonio Abad, Manuel Solórzano

Autorea:

Manuel Solórzano Sánchez
Hospital Civil de San Antonio Abad

Hospital Universitario de Donostia-San Sebastián, 2011

80 orrialde.

Manuel Solórzano Sánchez, osasun laguntzaile teknikariak, idatzi duen liburuak Donostiako San Antonio Abad eritetxe zibilaren historia jasotzen du. 1787. urtean sortu zen Carlos III-ak emandako ordenantzari esker, eta Donostian izandako beste ospitalen aipamenak ere egiten ditu, San Bartolome mendixan kokatuta zegoen San Lazaro ospitalea izanik zaharrena, 1485. urteko dokumentuetan aipatutakoa.

San Antonio Abad eritetxeak hainbat kokapen izan zituen eta 1878an erabaki zen Manteo baserriko lurretan Ospitale Orokor berria eraikitzea. 1882. urtean Jose Goikoa arkitektoak ezagutarazi zuen bere proiektua eta 1887ko urtarrilaren 20an inauguratu zuten.

“Allí se daba atención preferente a los enfermos pobres de la Capital, a los acogidos de la Misericordia y a los enfermos provinciales. Tenía habitaciones para distinguidos, comunes y para el personal de la casa: sala de maternidad; quirófano; y los servicios pertinentes. Se atendía a los enfermos crónicos y quirúrgicos; a las embarazadas y parturientas de la ciudad y de la provincia…” Gehiago irakurri

18

Urt / 2012

San Sebastián 1912

Autorea:

San Sebastián 1912
Carlos Blasco Olaetxea, Lola Horcajo Calixto, Juan José Fdez. Beobide
2011, nº 1
246 orrialde. 20 €

San Sebastián 1912 izenburua duen argitalpen berri honek duela ehun urteko Donostiaren historiari errepasoa egiten dio. Marino Tabuyo, Sociedad de Fomento, Maria Cristina Hotela, Francisco Urcola Lazcanotegui, Victoria Eugenia Antzokia, La Perla del Océano, Igueldoko funikularra eta Topo delako trenbidearen sorrerako gora-beherak, planoak, argazkiak eta informazio osagarria eskaintzen da. XX. mendearen hasiera aldaketa garaia izan zen Donostian, hiriaren zabalgunea eraikiko da eta turismoa indartuko duten zerbitzuak sortuko dira. Gehiago irakurri