22

Ira / 2011

Nemesis, Philip Roth

Autorea: arantxa

Philip Roth
Itzulpena: Beñat Sarasola Santamaria
Meettok, 2011
234 orrialde. 18,5 €
ISBN 9788493761943

Nemesis, Philip Roth idazle estatubatuarraren 31. eleberria da. 2010ean argitaratua, Beñat Sarasolak euskeratua izan da eta Meettok argitaletxeak kaleratu du. Liburuaren gertakizuna Estatu Batuetan, Bigarren Mundu Gerra amaieran eta polio gaisotasunaren inguruan garatua dago.

Progragonista mutil gazte bat da, Bucky Cantor, Chancellor jolastokiko zuzendari eta gimnasioko irakaslea, ikusmen arazoegatik soldadutzarako ez-gai suertatua. Uda garaian polioa iristen da bere auzora, New Jersey estatuko Newark hirian dagoen Weequahic judutarren auzora eta jolastokiko hainbat haur gaisotu eta bat edo beste hil egingo dira. Bitartean Buckyren andregaia Pocono mendietako udalekuetan begirale lanak egiten ari da eta ahaleginak egiten ditu Bucky ere bertara joan dadin.

Rothek polio gaisotasunaren aitzakian hainbat gai tratatzen ditu, besteak beste: beldurra, larritasuna, gaisotasuna, errua eta erantzukizuna. Auzoko giroa, familien larritasuna, udalekuetako giroa, oso ondo isladatzen ditu. Hauek dira hain zuzen idazle estatubatuarraren obsesioak, eta Suminez liburuan ere azaltzen zaizkigunak. Donostia Kulturako liburutegietan Philip Rothen liburuak ingelesez, euskaraz eta gaztelaniaz irakurri eta maileguan hartzeko aukera ematen da.

 

 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude