Oharra, Pilar Burgos Serrano

5 urtetik gorako haurrentzat irakurketa gomendioa dakartzagu oraingoan: Oharra albuma. Liburu eder honen egileak Daniel Montero Galan (irudiak) eta Pilar Burgos Serrano (hitzak) dira. Oharra oso ikusgarria da, besteak beste, bere akordeoi formatu zabalgarriagatik. Gainera, istorioa ere originala da: mezu ezezaguna duen ohar bat eskuz esku pasatzen doa eta, haren bidaiari segika, istorio alai eta zirraragarri hau gertatzen den auzoa ezagutzen joango gara. Azkenik, aipatu nahi dugu kontakizun hau arras entretenitua dela eta emozioak adieraztera animatzen gaituela.