14

Ira / 2022

Del pecho a la palabra

Autorea:

Del pecho a la palabra, Juan Kruz Igerabide

Pantalia Publicaciones, 2020

268 or.

ISBN: 978-84-942456-9-5

Liburu honen idazlea filologo, literato eta irakasle den aldetik, ahozko tradizioaren eta ipuinetako egitura sinbolikoen oinarriak aztertzen ditu. Saiakera honen aintzindaria da Bularretik mintzora: haurra, ahozkotasuna eta literatura (Erein, 1993), non ahozko tradizioaren alorretik aztertzen den haur literatura, batik bat amandre ipuinak. Bere azterlanean ahozko transmisioak duen bizipen psiko-afektiboa eta haurren adimenaren garapenean duen garrantzia aldarrikatzen ditu. Argudio interesgarriez gain, irakurleak pasadizoak, adibideak, poesia asko eta irakurketa oso atsegineko diskurtso baten ahots pertsonala aurkituko ditu. Euskaltzaindiko kideak sari garrantzitsuak irabazi ditu: Euskadi Haur eta Gazte Literatura Saria (1999) eta Espainiako Haur eta Gazte Literaturaren Sari Nazionala (2018).

27

Uzt / 2022

Fíjate en el gato, David LaRochelle

Autorea:

Azalaren irudia

Fíjate en el gato, David LaRochelle

Irudiak: Mike Wohnoutka

Anaya, 2022

34 or.

ISBN: 978-84-698-9139-1

Fijate en el gato, 5 urtetik gorako umeentzako gomendatzen dugun liburua da. Liburuaren testuen egilea David LaRochelle da eta irudien egilea Mike Wohnoutka. Hiru istorio ezberdin kontatzen dizkigu liburuak, umorearen bitartez azalduak. Liburuak, behin eta berriz esaten digu bertan agertzen den katuan fijatzeko, baina bertan Max txakurra besterik ez da ageri. Azken honen etsipenaren aurrean, nola ohartarazi diezaioke liburuari bera katua izan beharrean txakurra dela?

20

Uzt / 2022

El cerebro del niño explicado a sus padres, Álvaro Bilbao

Autorea:

El cerebro del niño explicado a sus padres, Álvaro Bilbao

Plataforma, 2015

296 or.

ISBN: 978-84-16429561

Gaurkoan gurasoentzat zuzendutako liburu bat gomendatzen dizuegu: El cerebro del niño explicado a sus padres. Bere autorea, Álvaro Bilbao da, psikologian doktorea eta neuropsikologoa. 2015. urtean argitaratutako liburu hau oso ospetsua izan da eta berrargiltapen ugari izan ditu. El cerebro del niño explicado a sus padres manual praktiko bat da, haurraren garunaren pentsatzeko modua azaltzen duena.

13

Uzt / 2022

Hamaika kutixi filosofiko

Autorea:

Hamaika kutixi filosofiko

1545, 2021

ISBN: 978-84-947895-2-6

 

Pentsamendu kritikorako euskarazko pizgarria gomendatzen dizuegu oraingoan: Hamaika kutixi filosofiko. 11 testuz, 11 ilustrazioz eta horietako bakoitza lantzeko 11 galdera posible biltzen dituen 11 txartelez osatutako materiala duzue. Bere egileak Maddi, Izaro, June eta Xabi dira, Oi(h)artzun Filosofikoa josten duen laukotea. Ia bost urte daramatzazkite, hainbat sortzailerekin batera, herrian Haur Filosofia saioak antolatzen. Herritarrei eskainitako Ilunabar Filosofiko irekiak ere antolatu dituzte, hainbat formakuntzekin batera. Idazleen aburuz, material honek adin guztietarako balio du eta hartzailea izango da nahi besteko sakontasun maila emango diona.

30

Eka / 2022

Oharra, Pilar Burgos Serrano

Autorea:


Oharra, Pilar Burgos Serrano

Irudiak: Daniel Montero Galán

Pamiela, 2022

40 or.

ISBN: 978-84-9172-267-0

5 urtetik gorako haurrentzat irakurketa gomendioa dakartzagu oraingoan: Oharra albuma. Liburu eder honen egileak Daniel Montero Galan (irudiak) eta Pilar Burgos Serrano (hitzak) dira. Oharra oso ikusgarria da, besteak beste, bere akordeoi formatu zabalgarriagatik. Gainera, istorioa ere originala da: mezu ezezaguna duen ohar bat eskuz esku pasatzen doa eta, haren bidaiari segika, istorio alai eta zirraragarri hau gertatzen den auzoa ezagutzen joango gara. Azkenik, aipatu nahi dugu kontakizun hau arras entretenitua dela eta emozioak adieraztera animatzen gaituela.

22

Eka / 2022

Txano eta Oscar, Julio Santos eta Patricia Pérez

Autorea:

 

 

 

 

 

 

 

 

 

Txano eta Oscar anaien abenturak bildumako Aurora misioa eta Arrano bikoitza liburuak gomendatzen dizkigute INTXAURRONDO HEGOA LH-5 eta LH-6 mailako ikasleek.

Julio Santosek idatzi eta Patricia Pérezek ilustratutako istorio hauek oso arrakastatsuak dira gaztetxoen artean. Gainera, euskaraz zein gaztelaniaz irakurri daitezke eta jarraitzaileentzat berri on bat dugu: laister bildumako azken izenburua, Kristalezko kaiola, liburutegian izango duzue.

15

Eka / 2022

Punto de inflexión, Neal Shusterman

Autorea:

Punto de inflexión, Neal Shusterman

Nocturna, 2022

397 or.

ISBN: 978-84-18440-30-4

Udako giroa eta denbora aprobetxatzeko zientzia-fikziozko liburu bat gomendatzen dizuegu: Punto de inflexión. 12 urtetik gorakoentzako irakurketa honek Ash du protagonista: dimentsio ezberdinetan galtzen da eta honek, gauzekiko daukan ikuspuntua birplanteatzera darama. Liburu honen autoreari dagokionez, Neal Shusterman dugu, haur eta gazte literatura munduan oso ezaguna, idatzi dituen liburuak arras salduak izan dira eta gainera, sari garrantzitsuak jaso ditu ere bai. Azkenik, aipagarria da Punto de inflexión liburua telebistara egokitu dutela eta dagoeneko, ikusgai dagoela.

06

Eka / 2022

Kezkamuxelak, Anthony Browne

Autorea:


Kezkamuxelak, Anthony Browne

Irudiak: Anthony Browne

Kalandraka, 2018

32 or.

ISBN: 978-8491720188

Kezkamuxelak albuma gomendatzen digute AITOR IKASTOLAKO 1A gelako ikasleek. Liburu honen idazle eta ilustratzailea arras ezaguna eta errespetatua den Anthony Browne dugu.

Ipuin honen protagonista nagusia da Ibai, buruan milaka kezka bueltaka dituen mutikoa; kapeluei, zapatei, euriari… Asko dira Ibaik dituen kezkak, baina horiek guztietatik bat da gailentzen dena: berea ez den etxe batean lo egiten gelditzea.

Gehiago irakurri

18

Mai / 2022

Oihana, Marina Gilbert

Autorea:


Oihana
, Marina Gibert

Irudiak: Marina Gibert

Pamiela, 2021

36 or.

ISBN: 978-84-91722-46-5

Oporretan pentsatzen zaudetenoi, amesteko liburu koloretsu bat gomendatzen dizuegu: Oihana. 3 urtetik gorako haurrei zuzendutako album ilustratua da hau, hitzik gabea eta xehetasunez josia. Bere irudien bidez, bizitzaren metafora bat kontatzen digu, haur batek oihanean zehar egiten duen paseo dibertigarria, hain zuzen ere. Azpimarratzekoa da album honek “Album irudidunak egiteko nazioarteko XIV. Compostela saria (2021)” irabazi duela.

12

Mai / 2022

Supersorda, Cece Bell

Autorea:

Supersorda, Cece Bell

Irudiak: Cece Bell

Maeva, 2017

248 or.

ISBN:  978-8417108168

Cece Bell komikilariak idatzitako Supersorda gomendatzen digute EKINTZA IKASTOLAKO LH5B gelako ikasleek.

Lan hau autobiografikoa da, non egileak bere haurtzaroko bizipenak azaltzen dituen, meningitisak eragindako gorreria arazoari dagokionez. Lagunak egitea zaila egiten zaion ingurune batera egokitu behar du, bere arazoa ez baitute ondo ulertzen beste haur batzuek. Hala ere, bere audifonoari esker, beste inork ezin dituen gauzak entzuteko ahalmena duela ohartzen da. Komikiko irudietan, pertsonaiek untxi itxura dute. Eleberri grafiko honi esker, idazleak idazle eta ilustratzaile onenaren Eisner saria jaso zuen 2015ean.