Aiete ikastetxeko ikasleek, LH–3 eta LH6 mailakoek, Hau ez da zoo bat liburua gomendatu ziguten. Alaine Agirrek idatzi eta Iratxe Lopez de Munainek ilustratutako liburu honek haur literaturako XXXIII. Xabier Lizardi saria irabazi zuen 2014 urtean.

Abenturaz, umorez eta samurtasunez beteriko istorioa da, animaliek ematen duten poza eta, era berean, eskatzen duten ardura erakusten dituena.

“– Txakurrik etxean ez, Malen! – esaten zidan amak.

Gehiago irakurri

La telaraña de Carlota (E.B. White eta Garth Williams) liburuak “Wilbur izeneko txerritxoa maite zuen neskatila baten eta Wilburren lagun kuttuna zen Carlota armiarmaren istorioa kontatzen digu. Wilbur txerritxoa eta Carlota etxalde berean bizi dira. Carlotak Wilburren bizia salbatzeko plan bat asmatzen du, etxaldeko animalia guztien laguntzarekin aurrera eramango duena, eta baita laguntzea kostatzen zaion Templeton arratoiaren laguntzarekin ere”. Ezagutu nahi duzu abentura paregabe hau? Altza Herri ikastetxeko LH-4 mailako ikasleek gomendatu ziguten.

Aiete ikastetxeko LH-5 mailako ikasleek gomendatu ziguten Wendy Orr idazlearen Nim itsasoan liburua.

“Nim ozeanoaren erdian dagoen irla batean bizi da bere aitarekin, bi maskota (Fred iguana eta Selkie itsas lehoia) eta Alxe Rover izeneko lagun berriarekin.

Nim aske bizi da, txorien moduan, eta ez luke bere bizitokia munduko ezergatik aldatuko. Baina Alexek ur-hegazkin batera igota, inor agurtu gabe, uhartea uzten duenean, eta Selkie itsasontzi bateko tripulazioak bahitzen duenean, Nimek arriskatu beharra izango du, eta ozeanoa zeharkatu, haiek berriz etxera ekartzeko. Eskerrak Fred eta bi lagun berri ondoan dituen”.

Gomendio ederra udan irakurtzeko!

Gaur piraten istorioekin gatoz, oso entretenigarriak izan ohi dira-eta.

Jakintza ikastolako eta Orixe ikastolako hirugarren mailako (LH-3) ikasleek Fede quiere ser pirata (Pablo Aranda eta Esther Gómez) liburua gomendatu ziguten; Ekintza ikastolako LH-3B gelakoek El pirata y el boticario (Robert Louis Stevenson eta Henning Wagenbreth); Summa – Aldapeta ikastetxeko LH-2A gelako ikasleek Mis vecinos los piratas (Jolley-Rogers eta Jonny Duddle); eta azkenik, Jakintza ikastolako LH-2B gelakoek ¡Piratas a bordo! (de Björn Pertoft).

Guztiak dira dibertigarriak. Animatu irakurtzera, seguru gustatuko zaizkizula!

Otsoak eta txano gorritxoak, ogroak eta printzesak, dragoiak eta sirenak… Betiko ipuinen harira barre egiteko aukera eskaintzen digu Cuentitis komiki-liburuak, eta arrakasta izan zuen Irakurle Gazteen artean: Aiete ikastetxeko eta Ibai ikastolako hirugarren (LH-3) mailako ikasleek eta Aitor ikastolako eta Altza Herri ikastetxeko laugarren (LH-4) mailakoek gomendatu ziguten.

Altza Herri ikastetxeko eta Intxaurrondo ikastolako hirugarren mailakoek (LH-3) eta Ekintza ikastolako laugarrenekoek (LH-4) Pulp fikzioa komiki-liburua gomendatu ziguten.

“Zer pentsatuko luke itsas hondoan hutsik dagoen sardina-kaxa bat edo eskoba hondatu batekin topo egiten duen olagarroak? Zortzi beso dauzka mokadua ahora eramateko baina buru bakarra gizakion ekintzek itsas inguruan duen eraginari buruzko iritzia agertzeko. Garapen iraunkorra, garraio, energia edo arrantza intentsibo hitzek zer esanahi daukate berarentzat? Andres olagarroari mikrofonoa aurrean jarri genion eta bere istorioen berri eman zigun…”.

Gai aproposa udan itsasora gerturatzen garenean kontuan hartzeko.

Intxaurrondo Hegoa ikastola (LH-4), Mundaiz ikastetxea (LH-4A) eta Ibai ikastolako (LH-6B) ikasleei mundiala iruditu zaie Pablo Arandaren El colegio más raro del mundo liburua.

Federen eskola munduko eskolarik arraroena da. Hasteko, TELE du izena: Tecno Escuela de Lenguas Extranjeras. Baina izenagatik baino bereziagoa da dituzten arauengatik; esaterako: ikasle bat eskolatik ateratzen denean, lehenengo iritsi den gurasoarekin joan behar izaten du guraso horren etxera, eta guraso horrek bere seme-alaba balitz bezala zaindu behar izaten du hurrengo egunean eskolara itzultzen duen bitartean…”.

Udan irakurtzeko liburu umoretsua!

Aiete ikastetxeko eta Jakintza ikastolako LH-1 mailako ikasleek Aitatxo konektatuta dago album ilustratua gomendatu ziguten.

Pinguino bat ikusten baduzu beti ordenagailuari begira, ez ikaratu: nire aitatxo da. Izan ere, oso aitatxo birtuala da…”.

Teknologia berriek familia-bizitzan duten eraginari buruz hausnarrarazten digu liburu honek, umorea eta maitasuna baliatuz.

Jakintza, Ibai eta Orixe ikastolako LH-4 mailako ikasleen artean arrakasta izan zuen Luke Pearsonen Hilda y el trol komiki-liburuak.

Hilda abenturaz eta irudimenaz beteriko mundu batean bizi da. Ezagutu nahi?

Castillo Suarez idazlearen Nobio bat nire amarentzat liburua gomendatu ziguten Altza Herri ikastetxeko LH-4 mailako ikasleek.

Jagoba botika baten gainean bizi da, amarekin; ama botikaria da-eta. Baina Jagobaren ustez amak arazo bat du: ez dauka nobiorik. Hortaz, amarentzako nobio bila hasiko da mutikoa han-hemen: bere lagun Edortaren aita? Igerilekuko soroslea? Botiken garraiolaria? Azkenean iragarki bat ipiniko du Internet-en, eta hortik aurrera etorriko dira ustekabekoak”.