Kukuaren kantua, Idoia Garzes Aldazabal

Ilustrazioak: Belatz

Elkar, 2022

74 or.

ISBN: 978-84-1360-175-5

Idoia Garzes Aldazabal-en Kukuaren kantua liburua 12 urtetik gorako gazteentzat zuzendua dagoen liburua da. Liburuaren protagonista gazteak lehen pertsonan kontatzen du Jaxitorekin egin duen harremana. Herrian albo batera uzten duten herritarra da Jaxinto, begi honez ikusia ez den herritarra, baina protagonistak, bere xalotasunean, uste ez duen gertutasuna izango du Jaxintorekin. Bi protagonisten arteko txorien inguruko elkarrizketak abiapuntu harturik, hainbat gai ezberdin jorratuko ditu idazleak: herrimina, pobrezia, bizilegea etab.

Likeo, luego existo, Isabel Meira

Irudiak: Bernardo P Carvalho

Takatuka, 2021

155 or.

ISBN: 978-84-18821-16-5

Isabel Meira kazetariak eta Bernardo P. Carvalho ilustratzaileak, besteak beste Portugaleko Ilustrazio Sari Nazionala edota Gustav Heinemann Peace Prize jaso ditu, gaur egungo globalizazioarekin zerikusia duten hainbat gogoeta eta zalantza planteatzen dizkiete 12 urtetik gorako gazteei Likeo, luego existo liburuan. Isabel Meiraren hitzetan, liburuaren helburu nagusia gazteek galderak egitea da eta horien erantzunak Google-tik haratago bilatzea. Horrekin batera, gaur egun dauden gai ezberdinak jorratzen dira bertan: mugikorrarekiko dagoen mendekotasuna, gizartearen polarizazioa, sare sozialak edota desinformazioa eta fake news-ek errealitatean duten eragina.

Punto de inflexión, Neal Shusterman

Nocturna, 2022

397 or.

ISBN: 978-84-18440-30-4

Udako giroa eta denbora aprobetxatzeko zientzia-fikziozko liburu bat gomendatzen dizuegu: Punto de inflexión. 12 urtetik gorakoentzako irakurketa honek Ash du protagonista: dimentsio ezberdinetan galtzen da eta honek, gauzekiko daukan ikuspuntua birplanteatzera darama. Liburu honen autoreari dagokionez, Neal Shusterman dugu, haur eta gazte literatura munduan oso ezaguna, idatzi dituen liburuak arras salduak izan dira eta gainera, sari garrantzitsuak jaso ditu ere bai. Azkenik, aipagarria da Punto de inflexión liburua telebistara egokitu dutela eta dagoeneko, ikusgai dagoela.