24
Mai / 2023
Amy y la biblioteca secreta, Alan Gratz
TakaTuka, 2021
237 or.
ISBN: 978-84-17383-95-4
Amy y la biblioteca secreta liburua, Alan Gratz egilearena, zortzi urtetik gorako haurrentzat gomendaturik dagoen liburua da. Liburuen zentsura lantzen duen liburua da, oihartzun handia jaso duen liburua izan da, hainbat errekonozimendu jaso dituena.
10
Mai / 2023
Ilustrazioak: Yolanda Mosquera
Ikaselkar, 2022
28 or.
ISBN: 978-84-18410-43-7
Itzal itzela Leire Bilbao (Haur eta Gazte Literaturaren Euskadi Saria, 2017 eta 2022) idazleak eta Yolanda Mosquera (Literatura lanaren Ilustrazioaren Euskadi Saria, 2018) ilustratzaileak sortu duten album liburua da. Bost urtetik gorako haurrentzat zuzendua dago eta uda girora garamatza.
03
Mai / 2023
Azeri, zer berri?, Atelier Saje
Ibaizabal, 2021
16 or.
ISBN: 978-84-9106-986-7
Asteazken honetan eginiko gomendioa etxeko txikienentzako gomendioa da, bost urtetik beherako haurrentzat hain zuzen. Atelier Saje estudioak eginikoa da jolasera garamatzan Azeri, zer berri? liburua.
12
Api / 2023
Liburuzainak zaldi gainean, Concha Pasamar
A fin de cuentos, 2022
40 or.
ISBN: 978-84-125805-2-5
Aste honetan Haur Liburutegi Nagusitik egiten dugun gomendioa Liburuzainak zaldi gainean albuma da, ezagutza liburua da eta bertan Estatu Batuetan zaldi gainean ibiltzen ziren emakume liburuzainen historia kontatzen digu Concha Pasamar idazle eta ilustratzaileak.
05
Api / 2023
Ilustrazioak: Jokin Mitxelena
Denonartean, 2022
38 or.
ISBN: 978-84-17940-85-0
Gaurko gomendioa, Antton Kazabon eta Jokin Mitxelenaren Txalopinak, etxeko txiki zein helduentzako zuzendua dago. Zaharberrituriko kantak aurkituko ditugu liburu honetan, Antton Kazabon idazleak, aspaldidanik gaurdaino iritsi zaizkigun hainbat kantu bildu eta berridatzi ditu, kantuen beste aurpegi bat erakutsiz. Hortaz, ezagun egingo zaizkigun hainbat doinu topatuko ditugu, letra berriekin aurkezturik: Ama begira zazu, elurra teilatuan, gure aitak amari etab.
29
Mar / 2023
Oihaneko epailea, J.M. Olaizola “Txiliku”
Ilustrazioak: Aitziber Alonso
Elkar, 2013
41 or.
ISBN: 978-84-9027-073-8
Asteazken hontako gomendioa, Irakurle Gazteak programatik datorkigu, hain zuzen ere, Harri Berri Oleta ikastetxeko bigarren ziklotik. Ikastetxe hontako ikasleek Oihaneko epailea liburua gomendatu digute. J. M. Olaizola “Txiliku” idazleak, aspaldikoak diren istorioak azalduko dizkigu liburu honetan, antzinako kontakizun horietan zuhaitzek euren artean nola hitz egiten zuten edota animaliek nola galdu zuten mintzatzeko ahalmena kontatuko digu. Naturan barneratuko da idazlea eta gaurdaino iritsi diren istorioak azaleratuko dizkigu. Hortaz, orri hauetako protagonistak hainbat animalia eta landare izango ditugu, esaterako birigarroak, goroldioa, iratzea, tigrea, bufaloa eta beste hainbat.
22
Mar / 2023
¿Dónde está Tomás?, Micaela Chirif
Ilustrazioak: Leire Salaberria
Ekaré, 2016
32 or.
ISBN: 978-84-944291-1-8
¿Dónde está Tomás? etxeko txikienenetzako gomendaturiko liburua da, Micaela Chirif idazlearena eta Leire Salaberria ilustratzailearena. Liburuak Tomasi gehien egitea gustatzen zaizkion gauzak gertutik ikusteko aukera baimenduko digu: ezkutatzea eta amestea. Protagonistaren amak umea bilatzen duen bitartean, Tomasek toki ezberdinak deskubrituko ditu bere irudimenaren bitartez. Orrialde bakoitzean errealitate ezberdin batera gidatuko gaitu protagonistak, esaldi motz eta ilustrazio koloretsuen bidez.
08
Mar / 2023
Aitona Lukasen txabola, Pello Añorga
Ilustrazioak: Alexf
Elkar, 2022
66 or.
ISBN: 978-84-1360-162-5
Aste honetako gomendioa, Aitona Lukasen txabola, zortzi urtetik gorako haurrentzat dago zuzendua. Bertan, Pello Añorga idazleak Krispin eta bere aitona Lukasen arteko pasartea kontatzen digu. Aitona Lukas baserria eraitsi zutenez geroztik txabolan bizi da eta ez du beste inora joateko asmorik. Krispin aitonaren txabolara joaten da bisitan eta bertako egunerokotasuna gertutik ezagutzeko aukera izango du, bai eta aitonaren lagunak ezagutzekoa ere. Idazleak liburu honen bidez, helduaro eta haurtzaroaren arteko harremana nolakoa den ikusteko aukera agertzen digu.
01
Mar / 2023
Marrakatxarra, Inazio Mujika Iraola
Irudiak: Maite Gurrutxaga
Erein, 2022
56 or.
ISBN: 978-84-9109-731-0
Aste honetako gomendioa Inazio Mujika eta Maite Gurrutxagaren Marrakatxarra liburua da. Liburuak Anderren istorioa kontatzen digu; mandarina jale amorratu honek, frutarekin jolasten duen bitartean aitaren lanerako mahai gainean inoiz aurretik ikusi ez duen argazki bat ikusten du. Bertan, aita, amona eta momentu berean izua sortzen dion gizon bat ageri dira. Une honetatik aurrera, idazleak protagonistaren beldurrek eragindako istorioetan barneratzen gaitu, sabeleko minak eta argazkiko gizonak sortzen dizkion beldurrak kontakizunaren ardatz nagusi izanik.
24
Ots / 2023
Todos somos lectores, Alex Quigley
Plataforma, 2022
340 or.
ISBN: 978-84-18927-32-4
Alex Quigley autorearen Todos somos lectores liburuak etxeko txikienen irakurketaren auzi garrantzitsuenetara gerturatuko gaitu, izan ere, haurrek irakurketarekin duten harremanaren inguruko hainbat gai lantzen ditu liburuak. Irakurketak dituen onurak kontuan izanik, irakurketa hori efikaza izateko hainbat tresna bermatzen dizkigu liburuak, esparru ezberdinetan landu ahal izateko. Gainera, dislexia bezalako gaiak edota gaur egungo teknologiak nolako eragina duten irakurketa prozesuan gertutik ezagutzeko aukera bermatuko digu Alex Quigley autoreak. Hortaz, irakurketa kultur aberasgarri bat nola sortzeko gakoak topatuko ditugu aste honetan gomendatzen dugun liburuan.
