Txano eta Oscar anaien abenturak bildumako Aurora misioa eta Arrano bikoitza liburuak gomendatzen dizkigute INTXAURRONDO HEGOA LH-5 eta LH-6 mailako ikasleek.

Julio Santosek idatzi eta Patricia Pérezek ilustratutako istorio hauek oso arrakastatsuak dira gaztetxoen artean. Gainera, euskaraz zein gaztelaniaz irakurri daitezke eta jarraitzaileentzat berri on bat dugu: laister bildumako azken izenburua, Kristalezko kaiola, liburutegian izango duzue.

Kezkamuxelak, Anthony Browne

Irudiak: Anthony Browne

Kalandraka, 2018

32 or.

ISBN: ‎ 978-8491720188

Kezkamuxelak albuma gomendatzen digute AITOR IKASTOLAKO 1A gelako ikasleek. Liburu honen idazle eta ilustratzailea arras ezaguna eta errespetatua den Anthony Browne dugu.

Ipuin honen protagonista nagusia da Ibai, buruan milaka kezka bueltaka dituen mutikoa; kapeluei, zapatei, euriari… Asko dira Ibaik dituen kezkak, baina horiek guztietatik bat da gailentzen dena: berea ez den etxe batean lo egiten gelditzea.

Gehiago irakurri

Supersorda, Cece Bell

Irudiak: Cece Bell

Maeva, 2017

248 or.

ISBN:  978-8417108168

Cece Bell komikilariak idatzitako Supersorda gomendatzen digute EKINTZA IKASTOLAKO LH5B gelako ikasleek.

Lan hau autobiografikoa da, non egileak bere haurtzaroko bizipenak azaltzen dituen, meningitisak eragindako gorreria arazoari dagokionez. Lagunak egitea zaila egiten zaion ingurune batera egokitu behar du, bere arazoa ez baitute ondo ulertzen beste haur batzuek. Hala ere, bere audifonoari esker, beste inork ezin dituen gauzak entzuteko ahalmena duela ohartzen da. Komikiko irudietan, pertsonaiek untxi itxura dute. Eleberri grafiko honi esker, idazleak idazle eta ilustratzaile onenaren Eisner saria jaso zuen 2015ean.

Etxetxorotarrak, Lur Gallastegi

Irudiak: Bruno Hidalgo

Elkar, 2019

76 or.

ISBN: 978-84-9027-971-7

Lur Gallastegi Zendegik idatzitako Etxetxorotarrak gomendatzen digute EKINTZA IKASTOLAKO LH5A gelako ikasleek.

Liburu honen protagonistak Lea eta Mattin neba-arrebak dira: amaren eta aitaren xelebrekeriekin ohituta badaude ere, ez dute imajinatu ere egiten datorkiena. Izan ere, gurasoek erabaki dute seme-alabak etxeaz eta euren lanetaz arduratzea! Bai  bai, helduak joango dira eskolara eta bitartean, Lea eta Mattin lanera joan eta etxea atondu beharko dute.

Umoreaz baliatuz, irakurketa honek jorratzen ditu familiaren eguneroko bizikidetza eta eginbeharrak. Gainera, oso gomendagarria da enpatia zer ote den ulertzeko.

Como pez en el agua

Testua: Ona Carbonell

Alfaguara, 2020

144 orrialde

ISBN: 9788420453361

Ibai Ikastolako LH3B ikasgelatik Como pez en el agua irakurtzea gomendatzen digute, Ona Carbonellek idatzitako “Elena sirena” bildumaren hirugarren liburukia. Egilea, igerilari profesionala, igeriketa sinkronizatuko talde espainiarreko kapitaina da gaur egun, eta haur literaturaren munduan gazteei kirolaren eta literaturaren arloan sartzen laguntzeko asmoz murgildu zen.

Gehiago irakurri

Kalabaza munstroa

Testua: Jim Benton

Irudiak: Jim Benton

Desclée De Bouwer S. A., 2013

102 orrialde

ISBN: 978-84-330-2646-0

Harri Berri-Oleta ikastetxeko 2. zikloko ikasleek Kalabaza munstroa gomendatzen digute, “Franny K. Stein” bilduma arrakastatsuaren lehen liburua. Egilea Jim Benton estatubatuarra da, hasiera batean kamiseta diseinatzailea eta prentsa ilustratzailea izan zena, eta ondoren haurrentzako liburuen idazle eta ilustratzailea. Bere lanak hainbat sari jaso ditu, besteak beste, 2004eko Gryphon saria liburu honenxegatik.

Gehiago irakurri

Monstruos y mareas

Testua: Marcus Sedgwick

Irudiak: Pete Williamson

Roca Editorial, 2012

256 horrialde

ISBN: 9788499181356

Intxaurrondo Ikastolako LH4A ikasgelatik Monstruos eta Mareas irakurtzea gomendatzen digute, “Crónicas de Edgar el cuervo” bilduma arrakastatsuaren lehen atala. Marcus Sedgwick idazle, ilustratzaile eta musikari britainiarra da. 2000. urtean Floodland argitaratu zuenetik, gazteentzako liburu ugari argitaratu ditu eta literatur sari ugari jaso ere.

Gehiago irakurri

Makal sendoak

Testua: Antton Kazabon

Irudiak: Jokin Mitxelena

Denonartea, 2015

64 horrialde

ISBN: 9788415756811

Ibai Ikastolako LH3B ikasgelako ikasleei Antton Kazabonek idatzitako liburu hau gustatu zaie. 90 argitalpen baino gehiago dituen idazle emankorrak bertsolaritzari buruzko lanak idazten hasi zuen bere ibilbide literarioa, baina ondoren haur eta gazte literaturan murgildu zen. Bere lehen lana, Proxpero, 1988an argitaratu zen, eta Makal sendoak 2015ean. Bien artean esperientziaz beteriko mundu bat dago.

Gehiago irakurri

Algunos miedos

Testua: Ana María Machado

Irudiak: Agustín Comotto

Ed. Anaya, 2005

66 horrialde

ISBN: 9788466745750

Beldur pertsonalak gainditzea funtsezkoa da pertsona bakoitzaren bizitzan, eta ,Jakintza Ikastolako 2. zikloko ikasleek gomendaturiko liburu honek gai horri heltzen dio hain zuzen ere. Ana María Machadok, haur literaturako idazle brasildar ospetsuak, hiru ipuin ezberdinen bidez haurtzaroko beldur oinarrizkoenetan murgiltzen gaitu: animalien beldurra (kasu honetan, sugandilak) eta ipuinetako munstroak.

Gehiago irakurri

Paularen seigarren atzamarra

Testua: Katixa Agirre

Irudiak: Patxi Gellego

Elkar, 2007

72 horrialde

ISBN: 9788497835114

Harri Berri-Oletako 3. zikloko ikasgelatik Paularen seigarren atzamarra irakurtzea gomendatzen digute, Katixa Agirre idazle, ikus-entzunezko komunikazioan doktore eta Euskal Herriko Unibertsitateko irakasleak idatzitako liburu maitagarria. 111 “Akademia” saria jaso zuen Atertu arte itxaron? (2015) eleberriagatik eta horrez gain, haurrentzako ipuin eta eleberri bilduma ugari argitaratu ditu.

Gehiago irakurri