31
Urt / 2023
Post honen idazlea: Arantxa Arzamendi
Susa, 2022
87 or.
ISBN 978-84-17051-92-1
Jose Luis Otamendiren Landura poema liburua izango da mintzagaia otsailaren 7an, asteartea, arratsaldeko 19:00etan Liburutegi Nagusiko Ekitaldi Aretoan (San Jeronimo kalean) Iñigo Aranbarri gidatzailearekin egingo den solasaldian.
26
Api / 2022
Post honen idazlea: Arantxa Arzamendi
Dena ametsa den irudipena, Leire Vargas
Elkar, 2021
71 or.
ISBN 978-84-1360-163-2
Leire Vargasen Dena ametsa den irudipena poesia liburua izango da solasgai maiatzaren 3an, asteartea, arratsaldeko 19:00etan Liburutegi Nagusiko Ekitaldi Aretoan(San Jeronimo kalea). Vargas idazlea saiora gonbidatu izan da eta Iñigo Aranbarri solasaldiaren ohiko gidatzaileak liburuaren inguruko elkarrizketa egingo dio. Elkarrizketa irekia izango da eta irakurleek ere bertan parte hartzeko aukera izango dute.
28
Abu / 2018
Badator iraila eta Donostia Kulturako liburutegietan literaturarekin eta irakurketarekin gozatzeko proposamenak ditugu.
Irailaren 15a arte Eguzkiteka zabalik egongo da eta egunero 17:00etan ipuin kontaketa. Ostiraletan eta larunbatetan 12:00etan mahai-jokoak.
Irailaren 3an eta 4an Poesia Orduak, Victoria Eugeniako Club aretoan. Ordua: 19:30
Irailaren 10ean, A Manual for Cleaning Women, Lucia Berlin, solasaldia ingelesez Slawka Grabowkak gidatua, Liburutegi Nagusiko San Jeronimo aretoan. Ordua: 19:45.
Irailaren 11n, Zuloa, Xabier Gantzarain, solasaldia euskaraz Iñigo Aranbarrik gidatua, Liburutegi Nagusiko San Jeronimo aretoan. Ordua: 19:30.
Irailaren 18an, Olerkarien txokoa, gaztelaniaz, Intxaurrondo Kultur Etxean, Plus 55ren eskutik. Ordua: 18:30
Irailaren 25ean, El puente, Gay Talese, solasaldia gaztelaniaz Amaia Garcíak gidatua, Liburutegi Nagusiko San Jeronimo aretoan. Ordua: 19:30.
Irailaren 26an, Alberto Irazuk Pocka puntua! bere liburuaren solasaldian parte hartuko du, Egia Kultur Etxeko liburutegian. Ordua: 19:00
Gainera, irailaren 16a arte Liburu zahar eta okasiozkoen azoka Gipuzkoa plazan.
16
Eka / 2015
Post hau gaztelaniaz argitaratu da
29
Aza / 2013
Bernardo Atxaga
Etiopia
Erein, 1978
105 orrialde, 21 cm
ISBN 8475680194
Arantxak bota zuen galderari erantzun eta bide batez, #liburubatistoriobat ekimenarekin bat egin nahi nuke honekin.
1985eko urtarrila, gabonak bukatu berriak, etengabe ari zuen elurra eta Euskal Herria erabat kolapsatu zen. Lanetik korrika atera behar izan nuen isolatuta geratu nahi ez banuen eta jende asko oinez itzuli behar izan zuen etxera. Halako egun ahaztezinean, etxeko goxoa eta liburu bat: Etiopia. Orduan ez nekien baina deskubritzen ari nintzen munduaren nire mapan betirako iltzatuta gelditu zen. Gaztaroaren mugarri. Geroago etorriko zen Henry Bengoa Inventarium. KRA. Aurreko igandean Ruper Ordorika Donostian. Denbora-hari bereko beste muturrean. Tartean, Sarrionandia (Narrazioak). POTT.
Egun hartan Europa elurrak blokeatuta zegoen baina niretzat han zeuden zerumuga eta zeruaren urdina. Une batez bederen, mundua perfektua izan zen eta gu zorioneko.
21
Ots / 2012
Tere Irastortza
Eta orain badakit
Pamiela, 2011
112 orrialde. 14 €
ISBN 9788476816837
Ekhiñe Egiguren Azkunek idatzi du jarrain argitaratzen den gomendioa.
Poesia irakurtzea gustuko dugunok aspaldian espero genuen Tere Irastortzaren azken poema liburua. Duela bederatzi urte irakurri genion aurrekoa eta jada, bere ibilbide poetiko sendoaren jarraipena den urrats honen zain geunden irrikaz.
Eta orain badakit honetan, poesia helduaren aztarnak eta poeta ibiliaren hausnarketak topatuko ditu irakurleak. Bizi izanak utzitako sentipen horietatik osatutako hitz koadroak, esperientzia pertsonaletik marraztutako mihiseak, hurbilekoa oinarri harturik gai unibertsaletara jotzen duten poemak. Isiltasuna, erritmoa, soinua, mina, heriotza, denbora, gorputza, zoriontasuna. Galderak eta galdera horiei topatutako erantzunak; “Eta nago ez garena sentitzea ere izateko era bat dela, /sentitzeak ere eratzen gaituela”. Gaiak ez dira errazak, hainbat esan nahi garratzak dira sakonean eta halere ez da poema liburu tragikoa esku artean duzuna, irakurle. Zoriontasunari eta zoriontasunean mintzo da; zoriontasunak dituen ertz zorrotzetatik idatzitako poemak dira: “Ziurrenera, orain, / onddagigulako, / izan, zorionagatik bakarrik garela zorigaitzerako prest” . Gehiago irakurri
