10

Api / 2012

Bizitza eta irakurmena

Autorea:

la lectura y la vida de Emili texixidor Bidalketa honen izenburua “Bizitza eta irakurmena”  Aste Santu oporretarako aholkatu nahi dizuedan liburuaren bera da.

Oporretan, normalean, gehiago irakurri ohi da, denbora dugu eta. Erosi, deskargatu edo mailegatu dituzuen liburuez gain, 201 orrialdeko harribitxi hau irakurri beharko zenuteke.
Bertan aurkituko dituzue: atal bat irakurtzera animatzeko estrategia eta trikimailuekin; haur literaturari buruzko zerrenda bat gazteleraz; klasikoei buruzko hausnarketak; lagungarriak izan daitezkeen ideak guraso eta irakasleentzat gazteengan irakurzaletasuna pizteko lan malkartsuan. Eta, jakina, liburutegiei dagokien atala ezin falta! Zazpigarren atala

Irakurzaletasuna pizteko ez dago errezeta magikorik, baina Teixidorrek arrazoia baldin badu, ” Liburuzaleak bizitza anitza du: berea eta liburuetakoa. Horregatik, esperientzia gehiago bizitzen ditu, emozioz beteriko bizitza aberatsagoa bizi du”. (17. orrialdean)

Teixidorrek  ikastoletan ahotsgorako irakurketa gomendatzen du! Gutxienez ordubete. Badakit, zenbait hizkuntza irakaslek egiten dutela, eta oso pozik daudela emaitzekin. Nire ustez, klasean behineko irakurketa saioa edozein irakurketa kanpaina baino eraginkorragoa izan daiteke.

Emili Teixidor idazle ezaguna da eta ospea lortu du askeneko boladan, “Pa negre” filma bere nobela batean oinarrituta dagoelako. Biak ere, liburua eta filma, guztiz gomendagarriak.

Bukatzeko oporraldi hauetan, Donostian baldin bazaudete,  gogoratu nahi dizuet Urgull Mendian,   Damen Bateria deritzon eremuan, gure liburutegia  irekita dagoela . Bertan egunkariak, internet, eleberri batzuk, haurrentzako komiki eta liburu asko… dituzue, eta irlara ikusmira paregabea!

30

Mar / 2012

Donostiako Udal Liburutegi Nagusiaren ametsa

Autorea:


2011an Euskal Herriko Unibertsitateak argitaratutako eta  Teresa Agirreazaldegik koordinatutako “Dokumentazioa eta ondare bibliografioaren komunikazioa” liburuan, zenbait artikulu interesgarri aurkitu ditut, besteak beste, Joan Mari Torrealdairena:” Biblioteka Nazionalaren ametsa” izenekoa. Horrek nire ametsa gogorarazi dit, nire helburua (betegabea) : Donostian Udal liburutegi Nagusia eraikin bakar batean izatea.
1999tik gure antolaketa honako hau da: helduentzako Liburutegi Nagusia Alderdi Ederren, Udaletxeko behealdean; Biblioteka Nagusia Alderdi eder-helduen saila

Haur eta gazteen  Saila eta Dokumentaziogunea Fermin Calbeton kalean; eta, Konstituzioko enparantzan, liburutegi zaharraren eraikinean, unitate zerbitzu teknikoak, bilduma historikoen biltegia eta Donostia Kulturaren bulegoak.

Gehiago irakurri

07

Mar / 2012

Emakume-liburuzainei buruzko topikoak

Autorea:

Donostiako udal liburutegien sarean dagoDonostiako liburudenda batean “Signatura 400” izeneko liburua aurkitu nuen. Gure liburutegi sarean ere eskura dezakezue. Eskaintzak eta izenburuak berak erakarri ninduten. Lehenengoak dio: ” Entretenimendurako idatzi hau opa diet, gizartean baino errazago liburutegietan beraien lekua aurkitzen duten guztiei”.
Baina, harira. Liburua gustuko izan dut, baina nolabait ere etsipendu nau. Sophie Divryren lehenengo liburua dugu honako hau. Bakarrizketa da, 106 orrialdeko bakarrizketa. Aipu interesgarri ugari aurki ditzakegu. Halaber, liburu eta liburutegiekiko maitasuna dario; haien iraupena eta tinko mantentzea aldaketa kulturalen aurrean erakusten du, eta Dewey sailkapenaren bidez jasotako ezagutza ere azaltzen da. Izenburuak sailkapen horri erreparatzen dio, 400. zenbakia hutsik baitago. Orokorrean, liburua erraz irakurtzen da, baina…

Islatzen duen emakume-liburuzainaren irudia ez zait gustatu. Protagonista 50 urte Donostiako Udal Liburutegien sareaingurukoa da. 25 urte daramatza lanbidean, eta horietatik gehienak probintzia liburutegi bateko biltegian.

Gure lanbidea ez da oso erakargarria. Topikoz josia dago: emakume-liburuzaina ordenatua da, asko irakurtzen du, noski; baina, gainera, liburutegiko bezeroez maitemintzen da!
Nik, 20 urte daramatzat lanbide honetan, eta konturatzen naiz, oraindik ez dugula gizartea geureganatu, ez gaituzte ulertzen, nolabait esateko.

 

 

Gehiago irakurri

27

Urt / 2012

Intxaurrondo auzoan liburutegi berria ireki dugu

Autorea:

Isabel Vesga liburutegiko arduraduna , Intxaurrondo Berri, San sebastián, red de bibliotecas2012. urteko lehen post honetan, ezinbestean Intxaurrondoko liburutegi berria aipatu behar dizuet. Abenduan ireki genuen. Berez, lekualdaketa izan da, Gaztela kaleko liburutegiari agur esan baitiogu.
Kultur etxe berria bi solairuko eraikin batean dago kokatua udal kiroldegiarekin batera.
Aurreko liburutegiak 280 metro koadroko azalera zuen; oraingoak, berriz, 1010 metro koadro ditu. Azalera solairu bakarrean banatua dago, erdian patio bat duelarik. Patioa auzoko artistek apaindu dute berriztatutako materiala erabiliz. Irakurleak  bertara atera daitezke lasaitasun bila.

Intxaurrondo berri liburutegia DonostiaLau urtetan jardun dugu lanean egitasmo hau burutzeko, eta esan dezakegu gure sareko liburutegi  onenetarikoa dela. Urgari bulegoko Patxi Gastaminza eta Jose Javier Uranga arkitektoak izan dira proiektuaren arduradunak, eta gure eskariak beti aintzakotzat hartu dituztela esan beharra dago.

Denbora horretan, liburutegiko arduraduna den Isabel Vesgak eta biok aritu gara uneoro elkarlanean: Altzari horniketa esleitzeko; haiek planoan kokatzeko; RFID irrati-frekuentzia sistema aukeratzeko, espazioak antolatzeko; dekorazioa…

Gehiago irakurri

26

Abe / 2011

Marguerite Duras Mediateka, Parisen

Autorea:

Biblioteca Marguerite Duras ParisSejour Culture Bibliothèque egitarauan antolaturiko bisitaldien artean, bat izan da Marguerite Duras Mediatekara, Pariseko 20. distritoan dago.

Frantsesez mediateka hitza erabiltzen da liburutegiak euskarri teknologiko guztiak dituela adierazteko.

Mediateka  guztiz aldatzen ari den auzo batean dago. Eraikin berean, aparteko sarrera duten 200 apartamentu daude. Roland Castro eta Sopphie Denisoff arkitekto hirigileek burutu zuten proiektua.

Auzoan 182.962 biztanle inguru bizi dira; Mediatekak 2010eko ekainaren 12an ireki zituen ateak. Eraikuntzan erabili dute beira, porlana eta egurra. Mediatekak denetara 4200 m2 erabilgarri ditu.

Gehiago irakurri

05

Abe / 2011

Pariseko Munduko Kulturen Etxea

Autorea:


Frantziako Komunikabide eta Kultura Ministerioaren ardatzetako bat da munduko kultur eragile jendea Frantzian batzea, aldi baterako. Liburutegizainak, artistak, musikariak, museozainak,  kultur politika eragileak; dantza, artxibategi, patrimonio eta kultur eraikin adituak… biltzen dira.
Egitasmo honi, esaten diote “Programme Courants”. 1992an sortu zen eta Maison de Cultures de Monde-k kudeatzen du. Erakunde hori  Cherif Khaznadarrek 1982an sortu zuen. Gaur egun, Award Esberren zuzendaritzapean hogei lagunek jarduten dute lanean.

Gehiago irakurri

04

Aza / 2011

Liburutegi publikoak eta krisialdia.Torontoko kasua

Autorea:

Torontoko Liburutegi Nagusia. Donostiako udal liburutegiek igotako argazkiaGaur egun bizi dugun krisialdi kontestua, eta etengabeko mehatxuak 2012 urtera begira izango ditugun murrizketak direla eta, gogora etorri zait irakurri berri dudan gertakari interesgarri bati buruzkoa. Bibliomancienne blogean agertu da, eta sare sozialek indar politikoen aurrean duten  eragina azalarazten du: Toronton hiritarren mobilizazioak liburutegi publikoko itxiera agindua bertan behera uztea lortu du. Sare sozialetan oinarritu dira asmo horri bultzada emateko eta hainbat kanadiar idazleen laguntza ere izan dute, Margaret Atwoodena, besteak beste. Aipaturiko post horren izenburua da: “Torontoko liburutegi  publikoek murrizketak saihesten dituzte ingurune sozialen ekositema berri batean”, 2011ko irailaren 21ean plazaratua.

Gehiago irakurri

31

Urr / 2011

Liburu elektronikoen irakurgailu berria gure liburutegietan

Autorea:

Urriaren 24an ospatzen zen Liburutegiaren Egunerako, Donostia Kulturako Udal Liburutegien Sareak 21 liburu elektronikoen irakurgailu erosi zituen mailegu zerbitzuetako erabiltzaileen esku jartzeko. Azaroaren lehenengo astean egongo dira gure liburutegietan. Alderdi Ederreko liburutegi Nagusian hiru, eta binaka beste liburutegi hauetan Altzako Casares-Tomasenen, Amarako Ernest Lluch-en, Intxaurrondo Berrin, Egian, Loiolan, Antiguako Lugaritze-en eta Groseko Okendon.  Anima zaitez eta eraman bat probatzeko.

Oraingoan erosi diren 21 unitateak Samsung e-reader E65 modelokoak dira. Tinta digital izeneko teknologia dute, paperaren antzekoa eta hainbat funtzio eskaintzen dituzte, hala nola, letra aldaketa, harigabeko Internet konexioa eta Emolink funtzioa, hau da, beste irakurgailuekin konektatzeko aukera. Horretaz gain, argi arkatz eta teklatu integratuari esker ertzetan oharrak egiteko aukera ematen dute. Azkenik aparailu hauekin agenda sortu eta musika entzun daiteke.

Gehiago irakurri

19

Urr / 2011

Mundu-Kultura

Autorea:

Globalizatutako kultura erregimenean gaude, edo Gilles Lipovetsky-k eta Jean Serroy-ek dioten bezala mundu-kultura baten aurrean gaude. Gaur egun, kulturaren deslurraldetasuna eta bateratasuna nabariak dira, eta hala ere, joera horrekin batera, kultur desberdinen berezitasunak nabarmentzen eta entzutetsu egiten ari dira.

Kultura transmititzaileen orientazio faltaz hitz egin dezakegu: hezitzaileak, kultur erakundeak, liburutegi eta museo arduradunak. arte, zinema eta antzerki programatzaileak… horiek guztiek, antzematen dute huskeri askok kultur balioa hartzen dutela. Kultura edo kultur gabeziaren aurrean gaude?

Gehiago irakurri