Atsekabez eta hainbat sekretuz beteriko helduaroa, baina norbaitek agerian utziko ditu sekretu hauek eta Gladys-entzat hurrengo gertaerak ez dute atzerako bueltarik izango.
Protagonistaren deskribapen psikologikoa ezin hobea egiten digu egileak. Gaia literatura unibertsalaren beste hainbat lanetan errepikatzen da, Oscar Wilden Dorian Grayren erretratua-n adibidez.
Nahiz eta 30. hamarkadan idatzia izan, gaiaren gaurkotasuna indarrean dago gure gizartean, non edertasuna eta gaztetasuna balio handiko ezaugarriak diren.
Irène Némirovsky Kiev-en jaio zen 1903. urtean, beranduago Paris-era aldatu zen familiarekin. Baina Bigarren Mundu Gerrak ondorio latzak ekarriko ditu Irènerentzat, Auschwitz-era deportatu eta bertan erail zuten 1942an bere senarrarekin batera.
Azkeneko urtetan bere zenbait lan argitaratzen ari dira lehenengo aldiz bere eskuizkribuetan oinarriturik.
