Bloga
Amaia Telleria Mujika
Alberdania, 2025.
110 or.
ISBN 9788498689136
12 urtetik aurrera
Zer gertatuko litzateke zure aurpegia eta gorputza nahi duzun bezala aldatzeko aukera izango bazenu? Galdera horretatik abiatzen da Amaia Telleriaren Aurpegiak, nerabeei zuzendutako eleberri erakargarria, teknologia, identitatea eta itxura fisikoaren inguruko presioak mahai gainean jartzen dituena.
Arthurd Binard & Tadashi Okakura
Kalandraka, 2025.
22 or.
ISBN 9788413433714
12 urtetik aurrera
Badira isiltasunetik eta detaileetatik hitz egiten duten liburuak. La espera, Arthur Binard poetak idatzia eta Tadashi Okakuraren argazkiekin osatua, horietako bat da. Hiroshimako bonbardaketaren 80. urteurrenaren harira argitaratutako argazki-album honek iraganeko objektuei ahotsa ematen die, memoria bizirik mantentzeko eta gertakari batzuk berriro errepika ez daitezen.
Marion LeMuzic & María Kronsky
Badira zuzenean interpelatzen duten liburuak, eta ¡Basta! Guía de autodefensa feminista para adolescentes (y más…) horietako bat da. Lan honetan, Marion Le Muzic idazleak eta María Maeso (Kronsky) ilustratzaileak eguneroko matxismoari aurre egiteko gida bisual eta praktikoa osatu dute.
Maixa Zugasti
Erein, 2025.
74 or.
ISBN 978-84-1093-024-7
12 urtetik aurrera
Gaurko gomendioa, Maixa Zugastiren Zozabarrak (Erein, 2025), irakurri eta berehala bihotza estutzen dizun nobela da.
Istorioak June neska gaztearen bidea jarraitzen du. Ustekabeko ikasgela-aldaketa batek Juneren bizitza hankaz gora jarriko du: indarkeria eta ankerkeria ezagutuko ditu, bai eta izua ere. Baina liburuak badauka sakoneko mamirik: udazkenean, zozabarren etorrerarekin, haurtzaroko atea betiko itxiko da, eta garai ilun horretan adiskidetasuna ere agertuko da, Loretorena eta Mariarena hain zuzen ere.
Oihan Iriarte Eletxigerra
Txalaparta, 2025.
92 or.
ISBN 978-84-10246-40-9
12 urtetik aurrera
Apirilaren 2an Haur eta Gazte Liburuaren Nazioarteko Eguna ospatzen da mundu osoan. Data berean ospatzen da, gainera, Autismoaren Nazioarteko Eguna. Biak batera gogoratzeak iradokitzen du irakurketak ere lagun dezakeela aniztasuna ulertzen eta zaintzen. Testuinguru horretan kokatzen da Oihan Iriarte Eletxigerraren Autismoa eta biok, egilearen bizipen pertsonaletik abiatuta autismoaren ingururako hurbilketa zintzo eta argigarria eskaintzen duen album ilustratua.
Alaine Agirre
Elkar, 2025.
75 or.
ISBN 978-84-1360-502-9
14 urtetik aurrera
Euri eta ateri, Alaine Agirreren azken literatur lan labur honek kutsu poetikoa eta sinbolismoz betetako istorioa da, eta narrazio honekin berriro erakusten du zergatik den gaur egungo euskal literaturaren ahots berezienetako bat.
Yolanda Arrieta Malaxetxeberria
Denonartean, 2025
145 or.
ISBN 978-84-19529-86-2
Yolanda Arrietaren Zurtz eleberria 12 urtetik gorako gazteei zuzendutako istorio hunkigarria da, nortasunaren bilaketa eta hazkunde pertsonala erdigunean jartzen duena.
Alistair Spalding & Jason Raish
Ilustrazioak: Jason Raish
Travesía, 2025
112 or.
ISBN 978-607-584-007-9
10 urtetik aurrera
Apirilaren 29an Dantzaren Nazioarteko Eguna ospatu zen eta berriki ¡Danza! izeneko liburua argitaratu dute. Honako liburua dantzaren mundu liluragarria ezagutzeko gonbidapena da. Bertan, dantzaren historia, estilo nagusiak, eta mundu osoko dantzarien bizipenak aurkezten dira.
Ruta Sepetys
Maeva, 2024
225 or.
ISBN 978-84-19638-54-0
Maeva argitaletxeak kaleratu duen edizio hau, profesionalki edota metodologia argi eta zehatz bat erabiliz idatzi nahi duten pertsonentzat zuzenduta dagoen gida bat da. Istorioak idazteko metodo erraz bat proposatzen du Ruta Sepetys-ek oraingoan. Fikzioa idazteko garatu behar diren funtsezko elementuak azaltzen ditu autoreak.
Gaizka Arostegi
Elkar, 2024.
179 or.
ISBN 978-84-1360-353-7
12 urtetik aurrera
Izenburua gozoa daraman arren, istorio garratza kontatzen digu Gaizka Arostegik Txokolat izeneko liburu honetan. Euskal Herriko iparraldean kokatzen da istorio hori, eta Sara izeneko gazte judutarra da protagonista. 1944 urtean Sarak Baionatik ihes egin behar izan du nazien atzaparretan ez erortzeko. Ihesaldi horretan, hainbat lagun topatuko ditu ibilbidean bere helburua betetzen lagunduko diotenak, Donostiara iristea, hain zuzen ere.
