Bloga
Santiago Gerchunoff
LENGUA DE TRAPO, 2026
117 or.
ISBN 978-84-8381-317-1
“Testuinguru hartan etorri zitzaidan burura Tamagochia. Laurogeita hamarreko hamarkadako jostailu hura, elikatu, zaindu eta lo eginarazi beharreko izaki birtual txiki bat. […] Tamagochi haurtxoaren heziketak protokoloen, sentsoreen eta pantailen bidez bideratutako zaintza harreman bat suposatzen du.”
Daniel Goldin
KALANDRAKA
186 or.
ISBN 978-84-1343-327-1
«[…] Irakurketa amaitu nuenean, lagun batek galdetu zidan ea ados nengoen egileak defendatzen zuen tesiarekin. Nahiz eta eleberria une batzuk lehenago irakurri berri nuen paragrafoan azaltzen zen tesiaren defentsa izan, ordura arte ez nuen barneratua liburuetatik ondorioak atera behar zirenik. Egileak biziarazten zidana bizi nuen; neure burua ezabatzen nuen kontakizunaren intentsitatearekin. Hori nahikoa zen […]»
Astrid Lindgren
KóKINOS, 2025.
151 or.
ISBN: 978-84-19475-99-2.
[…] Ez dakit zer amesten duzun edo desio duzun zure haurrarentzat, baina soilik dakit irakurtzeko amorratzen badago, gose bada, bizitzako edozein etapari aurre egiteko tresna hobeak izango dituela […]
Astrid Lindgren idazle suediarra Pippi Galtzaluzeren egile ezaguna da. Baina, honetaz haratago, 1907an jaio zen idazle honek oso ibilbide emankorra izan zuen, hamaika liburu sail eta eleberri argitaratu zituen eta bere obra 110 hizkuntzara baina gehiagora itzuli zen. Dudarik gabe, haur literaturan erreferente ezinbestekoa da Astrid Lindgren.
Mi mundo perdido liburua maitasun gutun bat da: fantasiari, ametsei, haurren barne munduei, liburutegiei, inspirazioari, irakurketari eta hari esker irekitzen zaizkigun bide eta aukera guztiei.
Grazia Deledda
Gadir, 2012.
76 or.
ISBN 9788494044168
9 urtetik aurrera
Grazia Deleddaren El jabatillo narrazio ilustratu lagun paregabea da martxoaren 8aren bueltan irakurtzeko, literaturaren historian emakumezko ahots garrantzitsu bat berriro ekartzeko aitzakia ezin hobea. Deledda Sardiniako idazlea izan zen, eta 1926an Literaturako Nobel saria jaso zuen; garaiko emakume idazleentzat mugarri historikoa izan zen aitortza hura, literaturaren kanon nagusian emakumeen presentzia oraindik oso urria zen garaian.
Rosa García Perea
Toromítico, 2025.
166 or.
ISBN: 978-84-19962-45-4.
Imagina ezazu irakurle txikiz beteriko talde bat zirkuluan jesarrita, begiak dir-dir, ipuinaren protagonista balira egingo luketenaz hitz egiten. Aipamen bakoitza beren barne-mundurako leiho bat da, haien bizi, mundu ikuskera, amets eta beldurren inguruko zantzu bat. Horrela bilakatzen da irakurketa kluba eremu seguru, epaiari beldurrik izan gabe lasai adierazteko gune.
Marta Romero, Rocío Lavigne, Juan Francisco Romero
Pirámide, 2025
140 or.
ISBN 978-84-368-5102-1
Rocío Lavigne, Juan Francisco Romero eta Marta Romero katedradunak (NEAE) plus eta HUM 347 ikerketa-taldeko kideak dira, neurogarapenaren nahasmenduak eta ikasteko zailtasunak aztertzen espezializatua, bai eta esku-hartze psikopedagogiko eraginkorrak abian jartzen ere ingurune kliniko, eskola eta familiarretan. Liburu honetan, irakurketaren ikaskuntza eskolako prestakuntza-etaparen bidez gauzatzen den prozesu eta sistema gisa azaltzen da, baita etxeko eremuan gertatzen diren irakaskuntzen zati osagarri gisa ere. Haurrak alfabetatzeko hainbat eredu azaltzen dira, eta teorikoki irakasleei zuzenduta dago, nahiz eta familia-nukleoa beste irakurle potentzial bat izan daitekeen, haurraren irakurmena eta interesa hobetzeko zeregin aktiboa bere gain hartzeko.
Daniel Goldin
Kalandraka, 2024
186 or.
ISBN 978-84-1343-327-1
Liburu hau Daniel Goldin editore eta liburuzain mexikarraren lanetako baten berrargitalpena da. Mexikoko Unibertsitate Nazional Autonomoko Filosofia eta Letren Fakultatean Hizkuntza eta Literatura Hispanikoan lizentziatua. Fondo de Cultura Económica argitaletxe partzialki publikoan, etxe hispanoamerikarreko haur eta gazteentzako bildumak zuzendu zituen. Océano Travesía haur eta gazte literaturako zigilua sortu zuen, baita Abrapalabra ere, Ediciones Serresen filial mexikarra. Mexiko Hiriko Vasconcelos Liburutegia zuzendu zuen, eta, irakurzaletasuna sustatzeaz gain, hizlari sutsua da arlo horretan eta haur eta gazte literaturaren edizioan.
Jesús Ge y Mar Benegas
Grijalbo, 2025
189 or.
ISBN 978-84-253-6709-0
Liburu hau sormenaren kontzeptuari eta haurtzaroan duen aplikazioari buruzko gogoeta bat da, baita bere garapena praktikan jartzeko proposamen praktiko batzuk ere, nonahiko pantailarik gabe. Gai honetako lanetan ohikoa den bezala, liburuaren ideia nagusiak ez ditu pantailak berak deabrutzen, baina haren erabilera goiztiar eta kontrolik gabeko erabileraren ondorioez ohartarazten du. Gehiegikeriaren ondorio desiragarrietako batzuk irakurmena murriztea eta arazo psikologiko eta sozialak dira.
Ruta Sepetys
Maeva, 2024
225 or.
ISBN 978-84-19638-54-0
Maeva argitaletxeak kaleratu duen edizio hau, profesionalki edota metodologia argi eta zehatz bat erabiliz idatzi nahi duten pertsonentzat zuzenduta dagoen gida bat da. Istorioak idazteko metodo erraz bat proposatzen du Ruta Sepetys-ek oraingoan. Fikzioa idazteko garatu behar diren funtsezko elementuak azaltzen ditu autoreak.
Maryanne Wolf
Deusto, 2020
252 or.
ISBN 978-84-234-3133-5
Zientzia-dibulgazioko liburu argigarri honen bidez irakurketa digitalaren ondorioak ezagutu ditzakegu. Irakurketa pantailetan egitearenak, hain zuzen. Irakurketaren kalitatearen eta pentsamenduaren murrizketa dira. Gaurkotasun handiko gai honen ardatz esanguratsuenak aurkitu ditzakegu. Haurraren garunean duen eragina da funtsezko gaia. Idazleak ikerlan esanguratsuen aipuak ditu oin-oharretan eta erreferentzia ugari ematen ditu.
