LENGUA DE TRAPO, 2026
117 or.
ISBN 978-84-8381-317-1
“Testuinguru hartan etorri zitzaidan burura Tamagochia. Laurogeita hamarreko hamarkadako jostailu hura, elikatu, zaindu eta lo eginarazi beharreko izaki birtual txiki bat. […] Tamagochi haurtxoaren heziketak protokoloen, sentsoreen eta pantailen bidez bideratutako zaintza harreman bat suposatzen du.”
Santiago Gerchunoff Buenos Airesen jaio zen 1977an, eta 1997az geroztik Madrilen bizi da. Filosofian doktorea da, eta gaur egun Carlos III Unibertsitateko Teoria Politikoko irakaslea da. Irakaskuntzaz gain, liburuen eta kulturaren munduan ibilbide oparoa egin du: Muga liburu-dendaren sortzaileetako bat izan zen, Clave Intelectual eta Siglo XXI argitaletxeetako zuzendari editoriala izan da, eta hainbat komunikabidetan kulturari eta hezkuntzari buruzko artikuluak argitaratu ditu. Bere lanetan filosofia, literatura eta gizartearen analisia uztartzen ditu, betiere ikuspegi kritiko eta hurbil batetik.
En la era de los niños cosa liburuan, Gerchunoffek gaur egungo haurtzaroaren inguruko hausnarketa egiten du, gizarteak haurrei begiratzeko duen modua zalantzan jarriz. Egilearen ustez, gero eta ohikoagoa da haurrak etengabe ebaluatu, zuzendu eta optimizatu beharreko objektu edo proiektu gisa ulertzea, haien berezkotasuna eta askatasuna bigarren mailan utziz. Saiakerak hezkuntzaren, familiaren eta kontsumoaren logikak aztertzen ditu, eta, aldi berean, haur literaturaren, jolasaren eta irudimenaren balioa aldarrikatzen du. Liburuak ez du erantzun itxirik eskaintzen; irakurlea gonbidatzen du haurtzaroa beste begirada batetik ulertzera eta haurrei benetan zer eskaintzen ari garen hausnartzera.
Itxura bikaina, milesker, oso interesgarria dirudi!