Bloga
Michal Figura
Maeva, 2024
264 or.
ISBN 978-84-19638-99-1
14 urtetik aurrera
Otsoak aipatzeak beldurrarekin lotzen gaitu irakurleok. Komiki honetan, berriz, irakurleok deskubrituko dugu otsoak animalia liluragarriak eta erakargarriak direla. Poloniako zortzi natur-gunetan otsoei gertatutako istorioak azalduko dizkigute Lobos komikiaren egileak. Hiru dira, Mizielinska anai-arrebak eta Wilk Naturarentzako Elkarteko zuzendaritza-batzordeko kidea den Michal Figura naturalista.
Uxue Alberdi eta Susanna Martín
Ikastolen Elkartea, 2023
58 or.
ISBN 978-84-127178-9-1
14 urtetik aurrera
Uxue Alberdik idatzitako eta Susanna Martinek ilustratutako eleberri grafikoa da Surflaria. 2023an argitaratua, Xabiroi komiki aldizkarian. Amaia, protagonistak telefono-dei bat jaso du esanez Eki, duela hamarkada bat itsasoan desagertu zen lagun eta maitale ohia, ofizialki hilda dagoela. Misterio-elementuak konbinatzen dituen bidaia batera bultzatzen du albiste honek, eta bizitzari, heriotzari buruzko gaiak aztertzen ditu.
Josephine Mark
Astiberri, 2023
179 or.
ISBN 978-84-18909-84-9
10 urtetik gora
Josephine Mark autorearen komikia da Txangoan txiripaz libura. 10 urtetik gorako haurrentzat gomendaturiko komikia da. Otso bakarti baten eta gaixorik dagoen untxi baten istorioa du ardatz liburuak.
Paco Alcázar y Torïo García
Astiberri, 2021
231 or.
ISBN 978-84-18215-67-4
Las 100 primeras películas de Nicolas Cage komikiaren hitzaurrean aipatzen den bezala, Nicolas Cage ez da aktorea soilik, ezpada zinematografia-genero bat osatzen du bere baitan; denetik aurkitzen dugu bere ibilbidean, hala nola film txarrak, onak, mitikoak, erdipurdikoak, maisulanak, ikuslearen adimenarentzat iraingarriak, superprodukzioak, B seriekoak, C eta, are, D-koak. Liburu sailkaezin honek horiek denak izango ditu hizpide modu ezin dibertigarriagoan.
Entzun gomendio hau:
Saint-Elme 1, Serge Lehman, Frederik Peeters
Astiberri, 2022
160 orr.
ISBN 9788418909689
Cicely, Twin Peaks, Fargo, Springwood eta Obaba, besteak beste, gauza bat dute amankomunean: Ez dira existitzen. Ez behinik behin mundu errealean. Aitzitik, giza adimenaren sorkuntza baino ez dira, eta hala ere (edo kasik horrexegatik) lortu dute gure geografia sentimentalaren parte eta mugarri izatera. Batzuk, geografia horren alde argitsuari dagokionez; besteak berriz, ilunari. Are gehiago, esango nuke azken horiek gure ametsik gaiztoenen marku paregabe izatera iritsi direla (ez dut zehaztuko zeintzuk). Bada, zorionez unibertsoa bezainbeste hedatzen den mapamundi imajinario horretan sortu zaigu beste geldialdi berri bat: Serge Lehmanek eta Frederik Peetersek asmatutako Saint-Elme misteriotsu bezain kezkagarria.
DK Irratiko “Ispilu Beltza” irratsaioan liburu honi buruzko gomendioa entzun dezakezue
Escucha, hermosa Marcia, Marcello Quintanilha
Astiberri, 2022
125 orr.
ISBN 9788418909573
Badirudi Rio de Janeiro boladan dagoela komikien munduan, eta martxa honetan genero bat bere baitan osatzen bukatuko du (dagoeneko ez bada). Aurreko batean Rio izeneko komiki bikaina gomendatu genuen, eta oraingoan hiri brasildarrera bueltatu gara beste harri bitxi bat aurkeztera: Escucha, hermosa Marcia, hain zuzen, Marcello Quintanilhak ondua.
Salamandra graphic, 2022
287 or.
ISBN 9788418347627
Jerusalemen gaude, gaur egun. Bertan dugu Nili Broshi gure protagonista emakumea, arkeologoa izandakoa, seme baten ama, Doctor izenekoa. Niliren aita arkeologo judu ospetsua izan zen, eta orain burua galduta dago, gaitzak jota. Akzioa hasiko da bildumazale aberats bat behartuta dagoenean bere arkeologia bilduma osoa unibertsitateari dohaintzan ematera. Bilduma horretan Nilik buztinezko taula babiloniar bat aurkituko du, non azaltzen den Itunaren Kutxa mitikoaren kokapena (Indiana Jonesen filman bezala, bai). Orduan hasiko da Kutxaren bilaketa zoro bezain kaotikoa, non batuko diren rabino ultraortodoxoak, palestinarrak, soldadu judutarrak, ISISeko terroristak, eta beste hainbat pertsonaia, zein baino zein senetik irtendakoa.
Gehiago irakurri
Último fin de semana de enero, Bastien Vivès
Madrid: Diabolo, 2022
180 or.
ISBN 978-84-18320-81-1
Agoulêmeko komiki jaialdian gaude, eta bertara Pariseko marrazkilari bat gerturatuko da, Denis, komikiak sinatu, hitzaldietan parte hartu eta horrelakoak egitera. Kanpotik mundu dibertigarria dirudiena barrutik ez da hainbesterako: errutina, lan-ordu amaigabeak, familia-konpromisoak, eta abar. Denisek ahal bezain azkar bueltatu nahi du etxera. Ez hori bakarrik, ahal bezain azkar bueltatu behar du, semearen ezkongaien aurkezpenean parte hartzeko. Sinadura-ekitaldi aspergarri batean murgildurik dagoela, baina, emakume berezi bat ezagutuko du, eta bere plan guztiak hankaz gora geldituko dira: Bere bizitzako astebururik biziena izango du.
