28

Ira / 2022

Lagun minak, Jon Benito

Autorea:

Post honen idazlea: Arantxa Arzamendi

Lagun minak: Jon Benitoren hamabost kontu, Jon Benito

Farmazia Beltza, 2022

289 or.

ISBN 978-84-123140-4-5

Jon Benitoren Lagun minak liburua izango da solasgai urriaren 4an, asteartea, arratsaldeko 19:00etan, Liburutegi Nagusiaren Ekitaldi Aretoan (San Jeronimo kalea) Iñigo Aranbarri gidatzailearekin egingo den literatur solasaldian.

Jon Benito Aranberri ((Zarautz, 1981) poesia idazten hasi zen eta bi liburu ditu argitaratuak Aingurak erreketan (2001) eta Bulkada (2010), baina ez du narrazioa alde batera utzi eta aurten ipuin eta poemak tartekatzen dituen Lagun minak liburua argitaratu du.

Gehiago irakurri

19

Ira / 2022

Las gratitudes, Delphine de Vigan

Autorea:

Post honen idazlea: Amaia García

Las gratitudes, Delphine de Vigan

Anagrama, 2021

173 or.

ISBN  978-84-339-8083-0

Datorren irailaren 27an, asteartea, ikasturteari hasiera emango diogu Liburutegi Nagusiko gaztelaniazko solasaldietan, Delphine de Vigan idazle frantsesaren Las gratitudes eleberriarekin; gaztelerara itzuli den bere azken lana. Zahartzaroa da bere gai nagusietako bat, baina memoriaz, zaintzaz, loturez eta, jakina, esker onaz ere hitz egiten du.

Delphine de Vigan 1966an jaio zen Boulogne-Billancourten, Parisetik gertu dagoen Île-de-France eskualdeko parte den komuna batean. Amaren arazo psikiatrikoak zirela eta, arrebak eta biek Normandiara joan behar izan zuten, aitaren etxera. Haurtzarotik literaturarekiko interes handia izan zuen, eta Literatura Batxilergoa urtebeteko aurrerapenarekin amaitu zuen. Informazio- eta Komunikazio-Zientziak ikasi zituen Sorbonako Letren Fakultatean, eta hainbat urtez ikasketa-zuzendari gisa lan egin zuen iritzi publikoko institutu batean, Alfortvillen. Lehen bikotearekin bi seme-alaba izan zituen, jada hogei urte baino gehiago dituztenak. Bere egungo bikotekidea François Busnel kazetari eta literatura-kritikaria da.

Gehiago irakurri

14

Ira / 2022

Del pecho a la palabra

Autorea:

Del pecho a la palabra, Juan Kruz Igerabide

Pantalia Publicaciones, 2020

268 or.

ISBN: 978-84-942456-9-5

Liburu honen idazlea filologo, literato eta irakasle den aldetik, ahozko tradizioaren eta ipuinetako egitura sinbolikoen oinarriak aztertzen ditu. Saiakera honen aintzindaria da Bularretik mintzora: haurra, ahozkotasuna eta literatura (Erein, 1993), non ahozko tradizioaren alorretik aztertzen den haur literatura, batik bat amandre ipuinak. Bere azterlanean ahozko transmisioak duen bizipen psiko-afektiboa eta haurren adimenaren garapenean duen garrantzia aldarrikatzen ditu. Argudio interesgarriez gain, irakurleak pasadizoak, adibideak, poesia asko eta irakurketa oso atsegineko diskurtso baten ahots pertsonala aurkituko ditu. Euskaltzaindiko kideak sari garrantzitsuak irabazi ditu: Euskadi Haur eta Gazte Literatura Saria (1999) eta Espainiako Haur eta Gazte Literaturaren Sari Nazionala (2018).

08

Ira / 2022

Little Fires Everywhere, Celeste Ng

Autorea:

Post honen idazlea: Slawka Grabowska

Little Fires Everywhere, Celeste Ng

Penguin Press, 2017

338 or.

ISBN 978-0-5255-2256-0

Post hau ingelesez dago.

The summer vacation is over and the literary meetings are back. The first meeting of the Donostia Book Club is on September, 12th and this time we are talking about Little Fires Everywhere by Celeste Ng. The novel won the 2017 Goodreads Choice Awards and was the author’s second published book.

Gehiago irakurri

08

Ira / 2022

31 ipuin, Anton Txekhov

Autorea:

Post honen idazlea: Arantxa Arzamendi

31 ipuin, Anton Txekhov

Itzultzailea: Iker Sancho Insausti

Elkar, 2022

289 or.

ISBN 978-84-1360-194-6

Udako etenaldiaren ondoren, Donostia Kulturako liburutegiek literatur solasaldien programazioari ekingo diote. Lehenengo saioa hilaren 13an izango da, asteartea, arratsaldeko 19:00etan, Liburutegi Nagusiaren Alde Zaharreko Ekitaldi Aretoan Iñigo Aranbarriren gidaritzapean. Hitzordu honetarako berriki argitaratu den, Anton Txekhov-en 31 ipuin liburua aukeratu da.

Gehiago irakurri

07

Ira / 2022

La rosa de mi jardín

Autorea:

La rosa de mi jardín, Arnold Lobel

Irudiak: Anita Lobel

Corimbo, 2022

ISBN: 978-84-8470-639-7

La rosa de mi jardín albumaren autoreak Arnold Lobel (testua) eta Anita Lobel (ilustrazioak) dira. Arnold Lobel internazionalki haur literaturako maisuetako baten moduan kontsideratua da, eta Anita Lobel ilustratzailearekin batera hainbat sariren irabazlea da. Liburua, larrosa batekin hasten da, eta pixkanaka larrosa horri bestelako hainbat lore batzen zaizkio lorategi baten deskripzioa eginez. Mila kolore eta lore ezberdin ikusi daitezke bertan: peonia, ekilore, lirio, bitxilore eta abar luze bat. Baina lorategi lasai eta baketsu horrek zerbait ezkutzatzen du, zer izango ote da?

31

Abu / 2022

El rey patata

Autorea:

El rey patata, Christoph Niemann

Malpaso, 2022

24 or.

ISBN: 978-84-19154-02-6

Aste honetan 5 urtetik gorako haurrentzako gomendioa dakarkigu: El rey patata liburua, Christoph Niemann autorearena. Patataren bidezko estanpazioak erabiliz, Fritz erregeak nola patata herriaren eta nekazarien elikaduran sartu zuen kontatzen digu autoreak, izan ere, liburua Prusiako Federiko II.aren gertakizunean oinarritzen da. Erregeak, Hego Ameriketatik iritsitako elikagaia osasungarria eta nutritiboa zela entzutean, herriaren elikaduran sartzea zuen helburu, baina herriaren erantzuna ez zen Fritz erregeak uste zuen bezain ona izan.

26

Abu / 2022

Kontalari latinoamerikar berriak: 5. Ustedes brillan en lo oscuro

Autorea:

Post honen idazlea: Amaia García

Ustedes brillan en lo oscuro, Liliana Colanzi

Páginas de espuma, 2022

111 or.

ISBN: 978-84-8393-314-5

Liliana Colanzi Serratek (Santa Cruz, Bolivia, 1981) Gizarte Komunikazioa ikasi zuen bere herrialdean, eta Latinoamerikako Ikasketetan masterra lortu zuen Cambridgeko Unibertsitatean. Horrez gain, Literatura Konparatuan doktoretza lortu zuen Cornellekoan, eta bertan Latinoamerikako Literaturako irakaslea da gaur egun. Kazetari eta zutabegile gisa ere lan egin du hainbat hedabidetan, eta “Dum Dum Editora” argitalpen-proiektua zuzentzen du. 2022an, Ribera del Duero sari ospetsua irabazi zuen, bere laugarren kontakizun-liburuarekin: Ustedes brillan en lo oscuro. Rosa Montero epaimahaiburuaren hitzetan, “Irrist egiten duen ipuin-liburu bat da. Errealitate anbiguo horretan irristatzen zara, errealitate kezkagarri horretan, errealitate eder horretan, errealitate beldurgarri horretan”. Izenburua ematen dion kontakizuna Brasilen gertatutako istripu erradioaktibo erreal batean oinarritzen da. Originalak eta indartsuak, Colanziren testuek bere belaunaldiko idazle latinoamerikar emakumeak bizitzen ari diren sormen une handia berresten dute.

25

Abu / 2022

Kontalari latinoamerikar berriak: 4. Estamos a salvo

Autorea:

Post honen idazlea: Amaia García

Estamos a salvo, Camila fabbri

Temas de hoy, 2022

171 or.

ISBN: 978-84-9998-915-0

Camila Fabbri (Buenos Aires, 1989) idazlea, antzerkigilea eta aktorea da, baita hainbat komunikabide, aldizkari eta blog kulturaletan kolaboratzailea ere. Bere lehen kontakizun-liburua, Los incidentes, 2015ean argitaratu zen, eta 2022an bigarrena atera zuen, Estamos a salvo. Biltzen dituen 17 narrazioak laburrak dira, oso estilo leunekoak, nahiz eta agian indar edo konplexutasun apur bat falta zaien. “Sobras” kontakizunean, neskato batek bizilagunaren maskota arriskutsuaz hitz egiten digu, yacaré batez, nahiz eta beharbada arriskua animaliarengan ez dagoen. “Coches familiares” narrazioaren eszenatokia ezkontza bat da, eta protagonista bikotekidearekin joaten da, baina bakarrik alde egiten du. Kontakizun guztietan gatazka bat dago, ez beti esplizitua, eta hondamendiaren aukera itxaropenari kontrajartzen zaio. 2021ean Fabbrik bere lehen eleberria argitaratu zuen, El día que apagaron la luz, eta urte horretan bertan Grantak 35 urtetik beherako espainierazko 25 narratzaile onenen zerrendan hautatu zuen argentinar idazle bakarra bihurtu zen.

24

Abu / 2022

Likeo, luego existo

Autorea:

Likeo, luego existo, Isabel Meira

Irudiak: Bernardo P Carvalho

Takatuka, 2021

155 or.

ISBN: 978-84-18821-16-5

Isabel Meira kazetariak eta Bernardo P. Carvalho ilustratzaileak, besteak beste Portugaleko Ilustrazio Sari Nazionala edota Gustav Heinemann Peace Prize jaso ditu, gaur egungo globalizazioarekin zerikusia duten hainbat gogoeta eta zalantza planteatzen dizkiete 12 urtetik gorako gazteei Likeo, luego existo liburuan. Isabel Meiraren hitzetan, liburuaren helburu nagusia gazteek galderak egitea da eta horien erantzunak Google-tik haratago bilatzea. Horrekin batera, gaur egun dauden gai ezberdinak jorratzen dira bertan: mugikorrarekiko dagoen mendekotasuna, gizartearen polarizazioa, sare sozialak edota desinformazioa eta fake news-ek errealitatean duten eragina.