19

Aza / 2019

El zoo petrificado, Joris Chamblain

Autorea:

El zoo petrificado

Testua: Joris Chamblain

Irudiak: Aurélie Neyret

Alfaguara, 2017

72 orrialde

ISBN 978-84-204-8629-1

El zoo petrificado komikia izugarri gustatu zaie Intxaurrondo Ikastolako LH4 eta LH5 taldeei. Eta ez da harritzekoa, liburua izugarrizko zoramena eragiten ari baita adin guztietako jendearen artean, bai Frantzian eta baita beste lekuetan ere. Nobela grafikoen artean prestigiotsuenetarikoa den Angoulema jaialdiko Haur-komiki onenaren saria ere eraman du.

Los diarios de Cereza bilduma osatzen duten hiru liburuetako lehena dugu hauxe. Bertan, Cereza izeneko 10 urte eta erdiko neska bat aurkezten zaigu. Cerezaren ametsa, egunen batean idazle bihurtzea da, eta berak dioen moduan: “istorioak kontatzeko nire trikimailua pertsonei begiratzea da, beraien bizitzak imajinatzea, beraien sekretuak…”. Bere bi lagun Lina eta Érika-rekin batera, misterioak argitzea gustatzen zaio.

Gehiago irakurri

19

Aza / 2019

Makal sendoak, Antton Kazabon

Autorea:

Makal sendoak

Testua: Antton Kazabon

Irudiak: Jokin Mitxelena

Denonartean, 2015

61 orrialde

ISBN 978-84-15756-81-1

Harri Berri-Oleta 2.zikloan, Antton Kazabon-en Makal sendoak irakurri dute eta gomendioa egin digute.

Baziren behin, erreka bazterreko zelaitxo batean bizi ziren hiru makal zuhaitz. Bi makal sendo eta makal gazte bat. Gustura bizi ziren elkarri konpainia eginez. Makal gaztea babestuta sentitzen zen makal sendoen gerizpean. Egun batean, ordea, izugarrizko haizetea altxatu eta bi makal sendoak aurretik eraman zituen. Makal gaztea bakar-bakarrik geratu zen negu erdian.

Gehiago irakurri

12

Aza / 2019

El origen de Marcopola, Jacobo Fernández

Autorea:

Testua: Jacobo Fernández

El origen de Marcopola

Bang, 2019

53 orrialde

ISBN 978-84-937031-0-3

Summa Aldapeta Ikastetxeko LH-2E ikasgelatik, El origen de Marcopola gomendatu digute.

Marcopola, izen hori hartu baino lehen, ozeano erdian isolatuta zegoen uharte txiki bat zen. Asko aspertzen zen, ezin baitzuen bere tokitik mugitu. Goiz batean, esnatzerakoan, bere itsasertzean objektu arraro bat ikusi zuen… Zer izango da? Zertarako balioko ote du? Hara, arraun bat! Libre zen alde egin eta mundua ezagutzeko!

Horrela hasten da abentura hau. Marcopolak bere konfort-zonatik atera eta arraun egingo du itsaso zabalean. Bidean, lagun onak topatuko ditu, eta ez hain onak…

 

12

Aza / 2019

Doministripu jauna, Leire Bilbao

Autorea:

Testua: Leire Bilbao

Irudiak: Antton Olariaga

Doministripu jauna

Elkar, 2014

26 orrialde

ISBN 978-84-9027-253-4

Intxaurrondo Ikastolako LH2. mailan, Leire Bilbao-ren Doministripu jauna irakurri dute eta asko gustatu zaie.

Doministripu jaunak doministiku egiten duen bakoitzean, istripu bat gertatzen da. Herriko kale estuetatik dabilela usin egiten badu, farolak okertzen dira edota balkoietatik eskegita dauden arropak lekuz aldatzen dira; hirugarren pisukoaren galtzontzilloak, bigarren pisura; laugarrengoaren praka bakeroak, bostgarrenera. Eta galtzerdiak! Festa izugarria izaten da, bakoitzak bere laguna aurkitu arte. Bizilagunak ere beldurtuta ditu, bere doministikuen indarrarekin ametsetan dauden bitartean hegan aterako ote diren kezkatuta!

Halako batean Doministripu jauna medikuarengana joango da. Gai izango al dira arazo aldrebes honi irtenbiderik topatzeko?


 

 

05

Aza / 2019

Olatu guztien gainetik, Miren Agur Meabe

Autorea:

Olatu guztien gainetik

Testua: Miren Agur Meabe

Irudiak: Enrique Morente

Ibaizabal, 2009

24 orrialde

ISBN 978-84-8394-362-5

Axular Lizeoko LH6-A. mailakoei eta Intxaurrondo Ikastolako LH2-B-koei, Miren Agur Meabe-ren Olatu guztien gainetik gustatu zaie.

Testu labur eta irudi iradokitzailez eraikitako narrazio honetan, Kleo izeneko itsaslamina bat da protagonista. Kleo aspertu egiten da beti itsaspean, eta surfean egiten ikasi nahi du. Gurasoek erokeria hutsa dela esango diote, baina marrazo jator batek laguntza eskainiko dio. Beldurra gainditu eta fidatuko al da Kleo bere lagun berriaz?

05

Aza / 2019

La llave, Angèle Delaunois

Autorea:

La llave

Testua: Angèle Delaunois

Irudiak: Christine Delezenne

Lóguez, 2010

32 orrialde

ISBN 978-84-96646-48-3

Jakintza Ikastolako LH4-B eta Santo Tomas Lizeoko LH4-D mailakoek, La llave liburua gomendatu digute, Angèle Delaunois-ena.

Liburu hau, bere sentsibilitate eta edukiagatik aproposa da bakeari buruz, zentzu zabalean, hausnartzeko.

Zoriontasunez betetako etxe bat dugu hasieran, haurrak eta loreak hazten diren etxe bat. Gerrak eta honek ekarritako hondamendiak, ordea, familia protagonista harrapatuko du. Ihes egin aurretik, Babak, amonak, bere beloan gordeko du etxeko giltza. Gizonak gerrara joango dira; emakumeak eta haurrak, berriz, errefuxiatu-esparru batean ezkutatuko dira.

Guztiek dute etxera itzultzeko esperantza, baina pixkanaka-pixkanaka, denbora igaro ahala, itxaropen hori itzaltzen joango da.

“Mi casa fue construida
en un campo de olivos
mucho antes de mi nacimiento.
Una puerta azul celeste
cerraba sus blancos muros
y un naranjo florecía
en su patio interior.
El día en el que abuela Baba
franqueó el umbral,
abuelo le entregó,
confiándole sus secretos,
una pequeña llave.”

29

Urr / 2019

Atlas del mundo, Aleksandra Mizielinska eta Daniel Mizielinski

Autorea:

Atlas del mundo, un insólito viaje por las mil curiosidades y maravillas del mundo

Testua eta irudiak: Aleksandra Mizielinska eta Daniel Mizielinski

Maeva, D.L. 2015

113 orrialde

ISBN 978-84-16363-46-9

Axular Lizeoko DBH1-B eta Mundaiz Ikastetxeko LH-4B ikasgelek, adin guztietarako aproposa eta den munduko atlas ilustratu hau gomendatu digute.

Islandiako geiserrak eta Mexikoko maien hiriak ezagutzeko aukera izango duzu, edota Fiyi-ko Errepublika, 300 irla baino gehiago dituena! Gure planetaren txokorik harrigarrienak aurkituko dituzu orrialde bikoitzeko 55 mapa biltzen dituen album ilustratu ikusgarri honetan. Ziur ez zenuela orain arte horrelako atlas dibertigarririk ikusi!

Irakurle kuriosoenei zuzendutako liburua, nazioarteko 10 sari baino gehiago jaso dituena.

Bidaia on!

 

29

Urr / 2019

Munduko zazpi herrialdetako ipuinak, Joseba Sarrionandia

Autorea:

Munduko zazpi herrialdetako ipuinak

Testua: Joseba Sarrionandia

Irudiak: Pedro Oses

Pamiela, 2008

116 orrialde

ISBN 978-84-7681-573-1

Ekintza Ikastolako LH6 gelako ikasleek Joseba Sarrionandiaren Munduko zazpi herrialdetako ipuinak gomendatu digute.

Oporrak aspaldi amaitu zirenez eta orain ikasgelan egotea tokatzen zaigunez, eman diezaiogun munduari buelta ipuinen bidez! Joan gaitezen Cabo Verdera, Saharako basamortura, Hondarribiara, Ipar polora… Pedro Oses-en margolanek bidaia errazten dute, dudarik gabe.

Cize, Diego Armando, Silvia, Mohamed, Osamu, Marie Jeanne eta Margaret bildu dira, bakoitzak herrialde bateko istorioa kontatzeko. Ipuinek, herrialde desberdinetako ohiturei buruz jakiteko aukera ematen digute, eta elkarren arteko errespetuz, miresmenaz eta begirunez kontatuta daude.

 

1 / 4212345...102030...Azkena »