Xia Tenzinen bidaia miresgarria

Testua: Patxi Zubizarreta

Irudiak: Jacobo Muñiz

Ibaizabal, 2010

91 orrialde

ISBN 978-84-8394-338-0

Harri Berri-Oleta 2.ziklotik baita ere, beste liburu bat gomendatu nahi digute: Xia Tenzinen bidaia miresgarria, Patxi Zubizarretarena.

Xia Tenzin, 2,40m neurtzen dituen mutil erraldoi bat da eta Tibeteko mendi erraldoi batean bizi da. Bere aitaren ametsa itsasoa ikustea zen eta ametsa betetzeko asmotan itsasorantz abiatu zen baina ez zen inoiz bueltatu. Orain Xia Tenzinek bere aitaren ametsa konplitu nahiko du eta bide batez, aita aurkitu. Horretarako Tibet utzi eta Txina osoa zeharkatu beharko du… Helduko al da itsaso horiraino? Aurkituko ote du aita?

Gehiago irakurri

Munstro bat edukiontzian

Testua: Maribel Aiertza

Irudiak: Mikel Santos (Belatz)

Elkar, 2014

44 orrialde

ISBN 978-84-9027-316-6

Misterioa eta umorea uztartzen dituen ipuina da Munstro bat edukiontzian, Maribel Aiertzak idatzia. Intxaurrondo Ikastolako LH4 taldearen proposamena dugu oraingoan.

Gorkak badu etxeko lanetan laguntzeko ohitura. Bere zereginetako bat zaborra kalera ateratzean datza. Azken egunetan, ordea, bere egunerokotasuna kolokan jarriko duen gertaera bat suertatu zaio auzoko edukiontzi urdinarekin. Hots arraro samarrak entzuten ditu papera botatzera jaisten den bakoitzean. Posible al da munstro bat egotea barruan, ezkutatuta? Eta zer egin, horrela bada?

Irudimen handiz, misterioa argitzen saiatuko da Gorka.

Las alas del avecedario

Testua: Antonio Rubio

Irudiak: Rebeca Luciani

Faktoría K de Libros, 2017

47 orrialde

ISBN 978-84-16721-07-8

Intxaurrondo Ikastolako LH4. mailatik, animaliei buruzko beste liburu batekin datoz. Liburu hau, ordea, ez dago galderez beteta, olerkiez baizik. Hegaztiei buruzko poesia liburua da Las alas del avecedario, Antonio Rubiorena.

Zerua milaka hegaztiz josita dago. Halaber, badaude beste batzuk ez dutenak inoiz hegan egiten ikasiko. Ostrukak, arabazozoak, hontzak, kukuak, lanperna-musuak, baita kiwiak ere topatuko dituzu orri hauen artean. Denek ezkutatzen dute bitxikeriren bat, ezaugarri bereziren bat eta poetek soilik idazten dakiten lirika.

Idazleek 27 hegaztitako erakusgai bat aukeratu dute; arruntak eta exotikoak. Rebeca Luciani-ren marrazki zoragarrien lehen planoek hegaztien lumaje ederra eta gainontzeko berezitasun fisikoak goraipatzen dituzte. Olerkiak berriz, dibertigarri zein burutsuak eta biziak dira, irudimenez beteak. Natura maite duten irakurle gazteentzat proposamen ezin hobea.

Hamaika galdera animaliei buruz

Testua: Simon Tudhope

Irudiak: Sarah Horne

Ttarttalo, 2017

112 orrialde

ISBN 978-84-9843-745-4

Mitologiako zein izakik zituen sugeak ile gisa? Zein filmetan ageri dira bi pailazo-arrain protagonisten artean? Zein dira handiagoak, Indiako elefanteak ala Afrikakoak? Zenbat egun igaro ditzake albatrosak hegan lurra ukitu gabe?

Herri Ametsa Ikastolako DBH-1B taldekoek gozatu dute honelako galderei erantzuten, Hamaika galdera animaliei buruz liburuarekin.

Gehiago irakurri

El zoo petrificado

Testua: Joris Chamblain

Irudiak: Aurélie Neyret

Alfaguara, 2017

72 orrialde

ISBN 978-84-204-8629-1

El zoo petrificado komikia izugarri gustatu zaie Intxaurrondo Ikastolako LH4 eta LH5 taldeei. Eta ez da harritzekoa, liburua izugarrizko zoramena eragiten ari baita adin guztietako jendearen artean, bai Frantzian eta baita beste lekuetan ere. Nobela grafikoen artean prestigiotsuenetarikoa den Angoulema jaialdiko Haur-komiki onenaren saria ere eraman du.

Los diarios de Cereza bilduma osatzen duten hiru liburuetako lehena dugu hauxe. Bertan, Cereza izeneko 10 urte eta erdiko neska bat aurkezten zaigu. Cerezaren ametsa, egunen batean idazle bihurtzea da, eta berak dioen moduan: “istorioak kontatzeko nire trikimailua pertsonei begiratzea da, beraien bizitzak imajinatzea, beraien sekretuak…”. Bere bi lagun Lina eta Érika-rekin batera, misterioak argitzea gustatzen zaio.

Gehiago irakurri

Makal sendoak

Testua: Antton Kazabon

Irudiak: Jokin Mitxelena

Denonartean, 2015

61 orrialde

ISBN 978-84-15756-81-1

Harri Berri-Oleta 2.zikloan, Antton Kazabon-en Makal sendoak irakurri dute eta gomendioa egin digute.

Baziren behin, erreka bazterreko zelaitxo batean bizi ziren hiru makal zuhaitz. Bi makal sendo eta makal gazte bat. Gustura bizi ziren elkarri konpainia eginez. Makal gaztea babestuta sentitzen zen makal sendoen gerizpean. Egun batean, ordea, izugarrizko haizetea altxatu eta bi makal sendoak aurretik eraman zituen. Makal gaztea bakar-bakarrik geratu zen negu erdian.

Gehiago irakurri

Testua: Jacobo Fernández

El origen de Marcopola

Bang, 2019

53 orrialde

ISBN 978-84-937031-0-3

Summa Aldapeta Ikastetxeko LH-2E ikasgelatik, El origen de Marcopola gomendatu digute.

Marcopola, izen hori hartu baino lehen, ozeano erdian isolatuta zegoen uharte txiki bat zen. Asko aspertzen zen, ezin baitzuen bere tokitik mugitu. Goiz batean, esnatzerakoan, bere itsasertzean objektu arraro bat ikusi zuen… Zer izango da? Zertarako balioko ote du? Hara, arraun bat! Libre zen alde egin eta mundua ezagutzeko!

Horrela hasten da abentura hau. Marcopolak bere konfort-zonatik atera eta arraun egingo du itsaso zabalean. Bidean, lagun onak topatuko ditu, eta ez hain onak…