Testua eta irudiak: Eli Landa
Alberdania, 2009
51 orrialde
ISBN 978-84-9868-176-5
“Chillida eta ni ez gara aspaldiko lagunak, ez dugu inoiz elkar ikusi ere, baina aspaldi da Donostian bere lan ikaragarri bat ezagutu nuela” kontatu digu Eli Landak liburu honen atzeko azalean.
Segur aski, Presentación de Maria Ikastexeko LH2ko ikasleek ere ez dute pertsonalki ezagutzen Chillida, baina haiek ere ikusi dituzte haren obrak, eta horregatik liburu hau gomendatzen digute, artista honen bizitza eta obra hobeto ezagutzeko.
Ainhoaren bitartez Chillidaren hastapenak ezagutuko ditugu, bere obra nagusiak eta non kokatuta dauden, koloretako ibilaldi dibertigarri batean.
Ibilbide hau amaitzean, liburuko 13 jolasek eskuratutako ezagutzak finkatzeko aukera ematen digute eta, gainera, erakutsitako 24 lanen zehaztapen teknikoak eta kokalekuari buruzkoak biltzen dituen katalogo bat du.