- El constructor de muros, Arianna Squilloni
- Ilustratzailea: Decur
- A buen paso, 2023
- ISBN: 978-84-17555-86-3
El constructor de muros albuma bost urtetik gorako haurrentzako gomendaturiko liburua da. Arianna Squilloni, A buen paso editorialaren sortzailea da idazlea eta Decur ilustratzaile autodidakta da irudien egilea.
Hormen eraikitzaileak leku aproposa topatu du naturaren erdian, lasaitasuna da nagusi eta basoaren erdian dagoen zelai bat da. Gizonak bertan gelditzea erabakitzen du, lasaitasunaz gozatzeko, baina pixkanaka-pixkanaka bertan bizi diren izakiak agertzen hasten dira: txakurra, basurdea, katua, txoria… Agertzen doazen heinean hormen eraikitzailea haserretzen hasten da, bere lasaitasuna eragotziko duten beldur baita eta horren aurrean hormak eraikitzen hasiko da. Gaur egungo gizarteaz, munduaz eta ditugun harremanez hitz egiten digun fabula da El constructor de muros.