Kategoria: Haurrentzako liburuak

Hamaika kutixi filosofiko

1545, 2021

ISBN: 978-84-947895-2-6

Pentsamendu kritikorako euskarazko pizgarria gomendatzen dizuegu oraingoan: Hamaika kutixi filosofiko. 11 testuz, 11 ilustrazioz eta horietako bakoitza lantzeko 11 galdera posible biltzen dituen 11 txartelez osatutako materiala duzue. Bere egileak Maddi, Izaro, June eta Xabi dira, Oi(h)artzun Filosofikoa josten duen laukotea. Ia bost urte daramatzazkite, hainbat sortzailerekin batera, herrian Haur Filosofia saioak antolatzen. Herritarrei eskainitako Ilunabar Filosofiko irekiak ere antolatu dituzte, hainbat formakuntzekin batera. Idazleen aburuz, material honek adin guztietarako balio du eta hartzailea izango da nahi besteko sakontasun maila emango diona.

5 urtetik gorako haurrentzat irakurketa gomendioa dakartzagu oraingoan: Oharra albuma. Liburu eder honen egileak Daniel Montero Galan (irudiak) eta Pilar Burgos Serrano (hitzak) dira. Oharra oso ikusgarria da, besteak beste, bere akordeoi formatu zabalgarriagatik. Gainera, istorioa ere originala da: mezu ezezaguna duen ohar bat eskuz esku pasatzen doa eta, haren bidaiari segika, istorio alai eta zirraragarri hau gertatzen den auzoa ezagutzen joango gara. Azkenik, aipatu nahi dugu kontakizun hau arras entretenitua dela eta emozioak adieraztera animatzen gaituela.