Bloga
Liburuzainak zaldi gainean, Concha Pasamar
A fin de cuentos, 2022
40 or.
ISBN: 978-84-125805-2-5
Aste honetan Haur Liburutegi Nagusitik egiten dugun gomendioa Liburuzainak zaldi gainean albuma da, ezagutza liburua da eta bertan Estatu Batuetan zaldi gainean ibiltzen ziren emakume liburuzainen historia kontatzen digu Concha Pasamar idazle eta ilustratzaileak.
Ilustrazioak: Jokin Mitxelena
Denonartean, 2022
38 or.
ISBN: 978-84-17940-85-0
Gaurko gomendioa, Antton Kazabon eta Jokin Mitxelenaren Txalopinak, etxeko txiki zein helduentzako zuzendua dago. Zaharberrituriko kantak aurkituko ditugu liburu honetan, Antton Kazabon idazleak, aspaldidanik gaurdaino iritsi zaizkigun hainbat kantu bildu eta berridatzi ditu, kantuen beste aurpegi bat erakutsiz. Hortaz, ezagun egingo zaizkigun hainbat doinu topatuko ditugu, letra berriekin aurkezturik: Ama begira zazu, elurra teilatuan, gure aitak amari etab.
Oihaneko epailea, J.M. Olaizola “Txiliku”
Ilustrazioak: Aitziber Alonso
Elkar, 2013
41 or.
ISBN: 978-84-9027-073-8
Asteazken hontako gomendioa, Irakurle Gazteak programatik datorkigu, hain zuzen ere, Harri Berri Oleta ikastetxeko bigarren ziklotik. Ikastetxe hontako ikasleek Oihaneko epailea liburua gomendatu digute. J. M. Olaizola “Txiliku” idazleak, aspaldikoak diren istorioak azalduko dizkigu liburu honetan, antzinako kontakizun horietan zuhaitzek euren artean nola hitz egiten zuten edota animaliek nola galdu zuten mintzatzeko ahalmena kontatuko digu. Naturan barneratuko da idazlea eta gaurdaino iritsi diren istorioak azaleratuko dizkigu. Hortaz, orri hauetako protagonistak hainbat animalia eta landare izango ditugu, esaterako birigarroak, goroldioa, iratzea, tigrea, bufaloa eta beste hainbat.
¿Dónde está Tomás?, Micaela Chirif
Ilustrazioak: Leire Salaberria
Ekaré, 2016
32 or.
ISBN: 978-84-944291-1-8
¿Dónde está Tomás? etxeko txikienenetzako gomendaturiko liburua da, Micaela Chirif idazlearena eta Leire Salaberria ilustratzailearena. Liburuak Tomasi gehien egitea gustatzen zaizkion gauzak gertutik ikusteko aukera baimenduko digu: ezkutatzea eta amestea. Protagonistaren amak umea bilatzen duen bitartean, Tomasek toki ezberdinak deskubrituko ditu bere irudimenaren bitartez. Orrialde bakoitzean errealitate ezberdin batera gidatuko gaitu protagonistak, esaldi motz eta ilustrazio koloretsuen bidez.
Aitona Lukasen txabola, Pello Añorga
Ilustrazioak: Alexf
Elkar, 2022
66 or.
ISBN: 978-84-1360-162-5
Aste honetako gomendioa, Aitona Lukasen txabola, zortzi urtetik gorako haurrentzat dago zuzendua. Bertan, Pello Añorga idazleak Krispin eta bere aitona Lukasen arteko pasartea kontatzen digu. Aitona Lukas baserria eraitsi zutenez geroztik txabolan bizi da eta ez du beste inora joateko asmorik. Krispin aitonaren txabolara joaten da bisitan eta bertako egunerokotasuna gertutik ezagutzeko aukera izango du, bai eta aitonaren lagunak ezagutzekoa ere. Idazleak liburu honen bidez, helduaro eta haurtzaroaren arteko harremana nolakoa den ikusteko aukera agertzen digu.
Marrakatxarra, Inazio Mujika Iraola
Irudiak: Maite Gurrutxaga
Erein, 2022
56 or.
ISBN: 978-84-9109-731-0
Aste honetako gomendioa Inazio Mujika eta Maite Gurrutxagaren Marrakatxarra liburua da. Liburuak Anderren istorioa kontatzen digu; mandarina jale amorratu honek, frutarekin jolasten duen bitartean aitaren lanerako mahai gainean inoiz aurretik ikusi ez duen argazki bat ikusten du. Bertan, aita, amona eta momentu berean izua sortzen dion gizon bat ageri dira. Une honetatik aurrera, idazleak protagonistaren beldurrek eragindako istorioetan barneratzen gaitu, sabeleko minak eta argazkiko gizonak sortzen dizkion beldurrak kontakizunaren ardatz nagusi izanik.
Todos somos lectores, Alex Quigley
Plataforma, 2022
340 or.
ISBN: 978-84-18927-32-4
Alex Quigley autorearen Todos somos lectores liburuak etxeko txikienen irakurketaren auzi garrantzitsuenetara gerturatuko gaitu, izan ere, haurrek irakurketarekin duten harremanaren inguruko hainbat gai lantzen ditu liburuak. Irakurketak dituen onurak kontuan izanik, irakurketa hori efikaza izateko hainbat tresna bermatzen dizkigu liburuak, esparru ezberdinetan landu ahal izateko. Gainera, dislexia bezalako gaiak edota gaur egungo teknologiak nolako eragina duten irakurketa prozesuan gertutik ezagutzeko aukera bermatuko digu Alex Quigley autoreak. Hortaz, irakurketa kultur aberasgarri bat nola sortzeko gakoak topatuko ditugu aste honetan gomendatzen dugun liburuan.
Din dilin dan, Pello Añorga
Denonartean, 2022
243 or.
ISBN: 978-84-17940-92-8
Gaurkoan dakarkigun liburua haurrek hizkuntzarekin jolasteko eta errezitatzeko liburua da, izan ere, haur eta helduen artean ahozko komunikazioa sendotzen lagunduko digu. Din dilin dan liburuan ahozko tradiziotik jasotako formulak topatzeaz gain, poesia ezberdinak, jolasak, kantak, formulak etab. aurkituko ditugu. Horiek guztiak une ezberdinetan erabili daitezkeelarik: bazkaltzeko, kilimak egiteko, lo egiteko edota une bereziak ospatzeko.
Badakit baratzea lantzen, Elena Odriozola
El Embudo, 2022
22 or.
ISBN: 978-84-122475-7-2
Aste honetako gomendioa Elena Odriozolaren Badakit baratzea lantzen da. Liburuaren bidez, etxeko txikienei egunerokotasuneko zein prozesu bateko gertaerak egituratzen lagunduko die, izan ere, liburuak baratze bateko prozesua irudikatzen digu: negua amaitzen denetik fruituaren sorrera eta horren heltzea ikusi arte. Guzti horrekin batera, haurrei landatzeko denboran zehar egin beharreko lanak erakusten dizkie egileak; zulatu, landatu, ureztatu, bai eta lan guzti horren emaitzak zeintzuk diren erakutsi ere.
Kixkur. Pinttoren arreba, Iñigo Astiz
Irudiak: Mikel Valverde
Elkar, 2022
28 or.
ISBN: 978-84-1360-212-7
Gaurko gomendioa bost urtetik gorako haurrentzat dago zuzendua. Iñigo Astiz idazleak eta Mikel Valverde ilustratzaileak Pintto txakur famatuaren arreba, Kixkur, aurkeztuko digute liburu honetan. Pintto, Pintto abestitik abiatuta umorez beteriko kontakizuna deskubrituko dute haurrek. Kixkur txakurraren egunerokoan murgiltzeko aukera emango digu istorioak eta anaia famatu bat izatea zer den jakingo dugu.
