X

Bidali zure gomendioak

Parte hartu gure blogean

Xomorropoemak eta beste piztia batzuk, Leire Bilbao

Leire Bilbao euskal idazlearen Xomorropoemak eta beste piztia batzuk poema-liburua oso gustura irakurri zutela komentatu ziguten Axular Lizeoko LH-5B gelako eta SUMMA – Aldapeta ikastetxeko LH-1A mailako ikasleek. Edonori gomendatzeko poemak dira,edozein adinetarako gozagarriak. Irakurri, irakurri, eta ikusiko duzu!

“Bost sagu ditut oinean

galtzetin barruan

gazta bila.

Bost sagu oinean

galtzetin barruan

ezkutatuta.

Bost sagu oinean

handitik txikira

lerratuta.

Bost sagu oinean

kriski-kraska

zulatzen galtzetina.

Eta hara! Sagu bat

galtzetinetik

ateratzen burua.

Eta zer ikusi du?

Ondoko galtzetinean

gazta bila

beste bost sagu”.

¡Ay, qué risa María Luisa!, Carmen Gil

Axular Lizeoko LH-5B gelatik Carmen Gil idazlearen ¡Ay, qué risa María Luisa! poema-liburua gomendatu ziguten. Umorez beteriko poemak aurkituko dituzu bertan.

“La pulga Carlota

salta, brinca y bota.

Se divierte mucho

a lomos de un chucho.

Se pasea un rato

encima de un gato.

Vibra de emoción

subida a un ratón.

En su hogar caliente,

la pulga se siente,

entre pelo y pelo,

¡mejor que en el cielo!”.

El libro del buen explorador: manual de supervivencia, Joel Levy

LH-5A gelako eta Ekintza ikastolako LH-6 gelako ikasleek Joel Levy-ren El libro del buen explorador: manual de supervivencia gomendatu ziguten, gazte abenturazaleentzako informazio interesgarria eskaintzen duen ezagutza-liburua.

Jakingo zenuke zer egin berorik kiskalgarrienean edota hotzik hotzenean bizirik iraun ahal izateko? Eta ingurune naturaletan jateko zerbait aurkitzeko? Jakingo zenuke gaixotasun hilkorrak nola saihestu edo gizakiak jaten dituzten animaliei nola aurre egin? Askotariko trikimailu eta aholkuen berri emateaz gain, iraganeko esploratzaile ospetsuenen ereduak ezagutuko dituzu liburu honekin, eta baita esploratzaile traketsenek egindako akatsak ere.

Gehiago irakurri

Uda bat Senegalen, Lur Gallastegi

Aiete ikastetxeko LH-5 mailako ikasleek Lur Gallastegiren Uda bat Senegalen liburua gomendatu ziguten. Udan irakurtzeko liburu aproposa!

Garazik eta Izarok ustekabe galanta hartuko dute, aitak esaten dienean uda osoa Senegalen pasatuko dutela, aita erizainak bertako ospitale batean laguntzen duen bitartean. Hasieran dena da berria: jendea, giroa, etxeak, usainak… Lagunak egiteak ere ez dirudi erraza bi neskentzat, bertako hizkuntza ezagutu gabe. Hala ere, sorpresa atsegin eta hunkigarriz beterik egongo da Afrikako egonaldi hori”.

Txano eta Oscar, Julio Santos eta Patricia Pérez

Zurriola ikastolako LH-5 eta LH-6 mailako ikasleei asko gustatu zaizkie Txano eta Oscar anaien abenturak (Julio Santosek idatzi eta Patricia Pérezek ilustratuak). Euskaraz eta gaztelaniaz argitaratu den bilduma honek arrakasta du liburutegietan ere, gaztetxoentzako abentura entretenigarriak eta interesgarriak kontatzen baitira.

Zalantzarik gabe, udan irakurtzeko aukera paregabea!

Ottoline bilduma, Chris Riddell

Chris Riddell idazlearen Ottoline bildumako liburuek arrakasta dute gaztetxoen artean, eta Orixe ikastolako LH-3 mailako, Axular Lizeoko LH-5A gelako eta Aiete ikastetxeko LH-5 eta LH-6 mailetako ikasleek gustura irakurri dituzte.

Udako oporretarako irakurgai gomendagarria!

Munduko liburu metarik altuena, Rocio Bonilla

Orixe ikastolako LH-6A gelako ikasleek Rocio Bonillaren Munduko liburu metarik altuena gomendatu digute. Album ilustratu zoragarri honek adin guztietarako atsegina den istorioa kontatzen digu.

…egun batez, amak azaldu zion bazirela beste modu batzuk amets hura betetzeko, eta liburu bat jarri zion eskuetan. Egun hartan bertan, ohartu gabe, Lukas hegan egiten hasi zen…”.

El diario de las cajas de fósforos, Pay Fleischman eta Bagram Ibatoulline

Orixe ikastolako LH-6B gelako ikasleek El diario de las cajas de fósforos album ilustratua gomendatu digute.

Neskatila batek bere birraitona bisitatzen duen batean, aitonak gehien gustatzen zaion objektua aukeratzeko eskatzen dio, berak objektu bakoitzaren istorioa konta diezaion. Neskatilak puru-kaxa bat aukeratzen du, barruan fosforo-kaxa ugari dituena. Kaxa bakoitzaren barruan oroitzapen bat dago: oliba hezur bat, botila-txapa bat, sarrera bat… Objektu horiek guztiek birraitonaren egunerokora osatzen dute, Italiatik Amerikaraino egin zuen bidaia eta herrialde hartan pasa zituen lehenengo urteak kontatuz. Irakurtzen eta idazten ez zekien haur batek fosforo-kaxaren bidez kontatzen dizkigu bere bizitzako momenturik esanguratsuenak”.

Erotik, Antton Kazabon eta Jokin Mitxelena

Herri Ametsa ikastolako DBH-1A gelako ikasleek gustura irakurri dute Antton Kazabonen Erotik liburu umoretsua.

Liburu honetan hamabi istorio eta hamabi marrazki dibertigarri biltzen dira. Bai idazleak, bai marrazkilariak hizkuntzarekin jolasten dute, eta hasiera batean sexuari buruz ari direla pentsarazten diguten arren, bestelako ustekabekoa eramango dugu.

“Amak askotan kontatzen zidan bere lehenengo aldiko pasarte mingarria. Gustura, bai, egin beharrekoa ere bai, baina… mingarria! Denek esaten dute lehenengo aldian min hartzen dela, baina uste duzu zeurea ezberdina izango dela… Hamasei urterekin izan zen lehenengoa… Egia aitortu behar badut, nik uste baino mingarriagoa izan zen nire lehenengo depilazioa”.