29

Api / 2013

Grandes esperanzas, Charles Dickens

Autorea:

Charles Dickens
Grandes esperanzas 
Galaxia Gutenberg, 2012
495 orrialde, 38,95 €
ISBN 9788415472445

Gaur gomendatu nahi dizuet liburu klasiko bat: Charles Dickens-en Grandes esperanzas.

Haurtzaroan, ahizpak eta biok, telebistan jarraitzen genituen Pip-en abenturak, bere itxaropena Estelaren maitasuna lortzeko eta orain aukera izan dut telesail haren oinarria izan zen liburua irakurtzeko. Bere jatorrian, liburua ere kapitulutan argitaratu zen, astekari moduan.
Havisham andereñoaren etxe ilun eta triste hark, gero hainbat jolas-parketako beldurrezko etxeen inspirazio izan dena, hunkitu egiten gintuen ahizpa eta biok. Bertako pertsonaiak ez dira ez, erraz ahazten diren horietakoak. Gehiago irakurri

11

Mar / 2013

Zaindari ikusezina, Dolores Redondo

Autorea:

Zaindari ikusezina liburuaren azalaDolores Redondo
Zaindari ikusezina 

Erein, 2013
479 orrialde.  18,50 €
ISBN 9788497467933

Zaindari ikusezina eleberrian Dolores Redondok Elizondon girotutako trama batean murgiltzen gaitu.Protagonista nagusia, bertako alaba eta detektibe lanetan ari den Amaia Salazar izango da. Amaiaren eskutik Nafarroa eta Baztan inguruko bizimodua, egunerokotasuna, paisaiak deskribatzen zaizkigu eta aldi berean euskal mitologiaren pertsonaia nagusiak ezagutzeko aukera ematen zaigu. Adituen iritziz suediar nobelaren estiloko literatura omen da, eta arrakasta handia lortzen ari da euskaraz gain aldi berean beste hamar hizkuntzatara argitaratua izan ondoren. Trilogia baten lehen liburua da eta laister izango dira kalean bigarrena eta hirugarrena. Josu Zabaleta Kortabarriak itzulia izan da Erein argitaletxeak kaleratu du.  Ikus Udal Liburutegiko Jarduera aretoan egin zen aurkezpeneko bideoa.

 

Gehiago irakurri

25

Ots / 2013

Piztiaren begiak, Alberto Ladron Arana

Autorea:

Alberto Ladron Arana
Piztiaren begiak

Elkar, 2012

315 orrialde. 21,55 €
ISBN 9788490270097


Ez du aspertzeko betarik ematen Ladrón Aranak. Ezta pentsatu ere. Zenbat urte nobela beltz baten mendera horrela erori gabe? Makina bat bai. Bada, bere azken lan honekin nire bolada txarra haizearekin joana da (izenburu polita pelikula batentzat, aizu).

Ez. Egia esan genero beltzak ez dit malkorik aterarazten. Arma-tiro-pum. Nobela denak berdinak. Detektibeak? Denak igualak. Poliziak? Denak ustelak edo alkoholikoak edo ikastolan kopiatzen zutenak. Edo dena batera. Zer falta genuen bada ikusteko? Estatuko segurtasun indarren kide ohi putazale maitaberak, enpresari kokainomano susmagarriak, iraupen luzeko langabe mesfidati aldrebesak eta postrerako aitaginarrebagai La Roja-zaleak. Olé, olé eta olé. Gure idazlearen malaletxeak ez du mugarik.

Gehiago irakurri