X

Bidali zure gomendioak

Parte hartu gure blogean

Un día en la vida de una mujer sonriente, Margaret Drabble

Post honen idazlea: Amaia Garcia

Un día en la vida de una mujer sonriente, Margaret Drabble

Itzultzailea: Miguel Ros González

Impedimenta, 2017

281 p.

ISBN 978-84-16542-79-6

Datorren asteartean, abenduaren 27an, Margaret Drabble idazle britainiarraren Un día en la vida de una mujer sonriente kontakizun-bildumari buruz arituko gara Liburutegi Nagusiko gaztelaniazko solasaldian. 2017an argitaratu zen, eta genero horretako bere ekoizpen osoa osatzen duten hamahiru kontakizunak biltzen ditu antologia honek.

Gehiago irakurri

El rebaño

El rebaño, Margarita del Mazo

Irudiak: Guridi

La Fragatina, 2014

36 or.

ISBN: 978-84-94201-95-0

El rebaño liburua bost urtetik gorako haurrentzako album ilustratua da. Artalde baten eginbeharrak gertutik ezagutzeko aukera izango dugu, bertako ardi batek lehen pertsonan istorioa azaltzen duen bitartean. Kontalari hau, zeina artaldeko ardi beltza den, nazkatu egiten da bere eguneroko errutinarekin; ilaran zain egon eta hesia pasatzeko saltoak aspergarri suertatzen zaizkio. Baina eginbehar horiek ez baditu egiten, Miguel-ek gau osoa esna pasa beharko du, lo hartu ezinik.

Kax-kax!

Kax-kax!, Yolanda Arrieta

Irudiak: Maite Rosende

Denonartean, 2022

22 or.

ISBN: 978-84-17940-95-9

Yolanda Arrieta eta Maite Rosenderen Kax-kax! liburuak etxeko ateak irekiko dizkigu, bertako txoko ezberdinetan eta egunerokotasuneko jardueretan ibiltzeko aukera emango digute idazlearen hitzek eta ilustratzailearen irudiek. Autoreak hitz, errima eta igarkizunekin jolasteko duen abilezia irakurtzeko aukera ere izango dugu kontakizunean zehar. Liburuak hamar arte kontatzen duen bitartean, zenbaki bakoitzean etxeko kontakizun bat deskubrituko dugu.

Madres e hijos, Theodor Kallifatides

Liburuaren azalaPost honen idazlea: Amaia García

Madres e hijos, Theodor Kallifatides

Galaxia Gutemberg, 2020

173 orrialde

ISBN 978-84-18218-57-6

Datorren asteartean, azaroak 29an, Liburutegi Nagusiko gaztelaniazko solasaldian Theodor Kallifatides idazlearen Madres e hijos eleberri autobiografikoa izango dugu hizpide. 2007an argitaratua, Kallifatidesek grezieraz idatzi duen bere bizitzan oinarritutako lanaren parte da, eta bere gaztelaniazko itzulpena 2020an atera zen.

Gehiago irakurri

Naian

Naian, Nerea Loiola

Irudiak: Jon Aranguren

Erein, 2022

30 or.

ISBN: 978-84-9109-791-4

Aste honetan Jon Aranguren ilustratzailearen eta Nerea Loiola idazlearen Naian liburua dakarkigu. Haurren pentsamendua, liburuan ikus daitekeen bezala, hankaz gora edo buruz behera jarriko duen album ilustratu honek, desberdintasunen ikuspuntu ezberdinak lantzea du helburu. Naian pertsonaiatik abiatzen da istorioa, ikaskide berria da eta testuaren hitz-jokoen bitartez ezberdintasunei etiketa jartzeko beharren inguruan pentsarazteko tartea zabaltzen digute egileek.

Hanka, moko eta buztan. Animaliekin dantzan

Hanka, moko eta buztan. Animaliekin dantzan, Xabier Olaso

Irudiak: Sandra Garayoa

Ikaselkar, 2021

65 or.

ISBN: 978-84-18410-40-6

Gaurkoan dakarkigun liburuan, Hanka, moko eta buztan. Animaliekin dantzan, garbi antzeman daiteke idazleak, Xabier Olasok, hizkuntzarekin jolasteko duen trebezia. Animalien gaia abiapuntutzat harturik, haurrek denetarik topatu dezakete liburu honetan: aho-korapiloak, kantak, igarkizunak, ipuin laburrak zein poemak. Gainera, testuaren aurkezpena ere modu ezberdinetan topatuko dugu, irakurketa bera jolas bat bilakatzen delarik. Hizkuntzaren jolas horiekin batera, Sandra Garayoa ilustratzailearen irudiak eta tipografia ezberdinak topatuko ditugu liburuan, asmakizunak asmatzeko orduan oso lagungarriak izango direnak.

Austerlitz,W. G. Sebald

Post honen idazlea: Arantxa Arzamendi

Austerlitz,W. G. Sebald

Itzultzailea: Idoia Santamaría Urkaregi

Gibel solasa: Joseba Sarrionandia

Igela, 2022

374 or.

ISBN 978-84-121612-9-8

W. G. Sebald idazlearen Austerlitz eleberria izango da mintzagaia azaroaren 15ean, asteartea, arratsaldeko 19:00etan Liburutegi Nagusiko Ekitaldi Aretoan (San Jeronimo kalean) egingo den solasaldian. Oraingo honetarako Liburutegiko antolakuntzak Idoia Santamaría Urkaregi, Austerlitzen itzultzailearen parte hartzea baieztatu du. Iñigo Aranbarri solasaldiaren ohiko gidatzaileak liburuaren inguruko elkarrizketa egingo dio eta irakurleek ere bertan parte hartzeko aukera izango dute.

Gehiago irakurri

Zarata Do Maiorrean biolin eta pianorako

Zarata Do Maiorrean biolin eta pianorako, Iban Barrenetxea

Ikaselkar, 2022

ISBN: 978-84-18410-44-4

Gaurkoan dakarkigun liburua Kimu bildumaren barnean argitaratutako azkenekoa da: Zarata Do Maiorrean biolin eta pianorako. Iban Barrenetxeak musika klasikoko saio batera gonbidatzen gaitu eta musikaren hizkuntza erabiliz, umorez beteriko istorioa kontatzen digu. Liburuaren protagonistak bi anai-arreba dira, batak pianoa jotzen du eta besteak biolina. Instrumentuak jotzen dituzten bitartean bien arteko tirabiren ikusle izango gara. Hitzik gabeko album honetan, irakurleek orrialde batetik bestera zer aldatzen den antzeman beharko dute.