X

Bidali zure gomendioak

Parte hartu gure blogean

El cazo de Lorenzo, Isabelle Carrier

 El cazo de Lorenzo

Testua eta irudiak: Isabelle Carrier

Juventud, 2010

31 orrialde

ISBN 978-84-261-3781-4

Ekintza Ikastolako LH2 mailako ikasleei interesgarria iruditu zaie El cazo de Lorenzo. Album ilustratu honek desberdina den mutiko baten egunerokotasuna kontatzen digu: dituen zailtasunak, gaitasunak, oztopoak… Lorenzo izeneko mutikoak bizitza zailtzen dion ontzi bat darama beti zintzilik, eta horregatik hain zuzen, baztertu egiten dute askok. Egun batean, baina, emakume batek ontzi horrekin bizitzen eta bere buruarengan sinesten irakatsiko dio.

Ezbairik gabe, elkartasuna eta enpatia sustatzeko aukera ederra eskaintzen digun liburua.

 

Amabelen boterea, Érica Esmorís

Amabelen boterea
Testua eta irudiak: Érica Esmorís

Sushi books, 2013

168 orrialde

ISBN 978-84-15920-20-5

Harri Berri Oletako ikasleek, LH5 eta LH6. mailakoek, Érica Esmorís idazle galiziarraren Amabelen boterea gomendatu digute.

Amabelen familian, denek dituzte superbotereak: indar izugarria, tximistaren abiadura, inteligentzia mugagabea eta baita ikusezin bihurtzeko gaitasuna ere. Lortuko al du Amabelek bere boterea zein den aurkitzea? Horretarako, abentura xelebreak biziko ditu!

Eta… zein da zure superboterea?

Urrezko giltza, Patxi Zubizarreta

Urrezko giltza

Testua: Patxi Zubizarreta; Irudiak: Jokin Mitxelena

Erein, 2005

175 orrialde

ISBN 84-9746-282-3

Ibai ikastolako LH-4A gelatik Patxi Zubizarretaren Urrezko giltza liburua gomendatu digute. Familia bitxi baten istorioa kontatzen digu liburuak, hamaika ipuin, kanta, poema eta jolas-formulekin.

Lotxo bat eta lotxo bi, 
ama goxoak ekarri, 
ume guztiei bana eta bina, 
eta zuretzako hamabi”.

Seguru ez zaretela aspertuko!

El caballo mágico de Han Gan, Chen Jiang Hong

El caballo mágico de Han Gan

Testua eta irudiak: Chen Jiang Hong

Corimbo, 2010

37 orrialde

ISBN 9788484703631

Mundaiz ikastetxeko LH-4A gelako ikasleei El caballo mágico de Han Gan gustatu zaie. Marrazteko dohain berezia zuen mutiko baten istorio ederra kontatzen digu liburuak: Han Gan-ek zaldiak marrazten zituen batez ere, eta bere zaldiak benetakoak baino benetakoagoak zirela esaten hasi ziren bere jarraitzaileak.

Liburu berbera gomendatu digute Ibai ikastolako LH-4A eta Orixe ikastolako LH-2A gelako ikasleek ere, hauek euskaraz irakurri dutelarik (Han Gan-en zaldi magikoa)

Pentsatzeko txokoa, Nerea Arrien

Nerea Arrienen Pentsatzeko txokoa liburuak hausnarketarako ateak irekitzen dizkigu.

“Ingeleseko andereñoari ez zaio pentsatzea gustatzen.

Izatez, berentzako zigor bat da.
Gaizkileentzat kartzelak eraikitzen dituzten bezala, gelan txoko bat eraiki du.

Hara bidaltzen gaitu gaizki portatzen garenean.
Pentsatzeko txokora.
Niri, berriz, pentsatzea gustatu egiten zait”.

Aiete ikastetxeko LH-5) eta La Salle ikastetxeko (LH-6B) ikasleen gomendioa izan da.

Irene la valiente, William Steig

Jakintza ikastolako LH-3A gelako ikasleek gomendatua da William Steig idazlearen Irene la valiente liburua.

“Maitagarrien istorio bat, non heroia neskatila umil bat den, eta ez printzesa bat”.

Nur bilduma, Toti Martinez de Lezea

Toti Martínez de Lezearen Nur bilduma arrakastatsuarekin Irakurle Gazte askok gozatu dute. Hainbat ikastoletatik gomendatu dizkigute liburu hauek, besteak beste: Ekintza ikastola (LH-6 eta LH-5), Aitor ikastola (LH-5), Aiete ikastetxea (LH-5), La Salle ikastetxea (LH-6B eta LH-5A) eta Jakintza ikastolatik (LH-4B).

Egiptoarrak espazioan, Diego Agrimbau eta Diego Garavano

Egiptoarrak espazioan bildumako bi komiki-liburuak gustura irakurri zituzten Herri Ametsa ikastolako (LH-4B), Mundaiz ikastetxeko (LH-4B) eta Jakintza ikastolako (LH-3B) ikasleek.

Lurraren historia-liburuek diotenaren kontra, Egiptoko Inperioa ez da iraungi. Aitzitik, gaur egun, Egiptoko Inperioa Unibertsoko hamaika lurraldetan zehar hedatua dago. Damon eta Jeronimo bi lurtar dira Patruila Inperial ezagunenetako bat osatzen dutenak. Patruila horiek operazio sekretuak burutu behar izaten dituzte, askotan Egiptoko mugetatik kanpo. Damon gazte sutsua eta saiatua da eta, irudimena beste inolako talentu berezirik gabe, beti nahi duena lortzen dakiena modurik zoroenean. Jeronimo, ostera, oso gazte azkarra eta zentzuzkoa dugu baina lotsati samarra. Elkarrekin, Wandori -Faraioaren eta Egiptoko Inperio osoaren etsai porrokatuenari- buruko minik handienak sortu dizkion Patruila Inperiala osatzen dute”.