La niña en llamas, Claire Messud

Galaxia Gutenberg, 2018

203 páginas, 19,90 €, ebook 12,34 €

ISBN 9788417355531

Post hau gaztelaniaz dago.

Gehiago irakurri

Paula Crusoeren abenturak, Mathilde Domecq autorearenak, oso entretenigarriak eta dibertigarriak dira, eta harrera bikaina izan dute 2. zikloko irakurle gazteen artean. Zehazki, ikasgela hauetatik iritsi zaizkigu komiki hauen gomendioak: Jakintza ikastola (LH–4B), Ibai ikastola (LH-4A) eta Altza Herri ikastola (LH–3A eta LH–3D).

Aste honetan komikien gomendioekin gatoz, tutoreek komentatu baitigute irakurle gazteak oso gustura irakurtzen ari diren genero literarioa dela komikia. Eta asko pozten gara. Azken aldian, gainera, komikien munduan argitalpenak ugaritzen ari dira.

Txani Rodríguez eta Nacho Fernández-en Iparraldeko basamortuak komikia asko gustatu zaie Orixe ikastolako LH-6A eta Ekintza ikastolako LH‑5B taldeetako ikasleei. Bertan, mutiko batek bere gurasoekin elkartzeko Australian barrena egiten duen txangoa kontatzen zaigu. Garraiobide desberdinak erabiltzen ditu eta bere bidaia aberasgarriagoa egingo duten lagun berriak topatuko ditu.

Atlas de las fronteras: muros, conflictos, migraciones, Bruno Tertrais, Delphine Papin, Xemartin Laborde

Cátedra, 2018

132 páginas 25 €

ISBN 9788437638980

Post hau gaztelaniaz dago.

Gehiago irakurri

Ekintza ikastolako LH-6 mailako ikasleak, Hartzak eta Pinguinoak, pozik dabiltza Irakurle Gazteak proiektuarekin. Liburu mota desberdinak jaso dituzte kaxetan eta irakurgaien aukera zabalagoa eskura izatea lagungarria da irakurzaletasuna bultzatzeko. Irakurle gazteak behar ditugu, bai horixe!

Gomendatu dizkiguten liburuen artetik Toti Martínez de Lezearen Nur bildumakoak, René Goscinny eta Albert Uderzoren Asterix eta Obelixen komikiak eta Patricia Schröder-en Erregaliz taldea bildumakoak nabarmendu dizkigute, besteak beste.  

Ikastolan ere irakurketarako tarteak hartzea oso garrantzitsua da haurrengan irakurzaletasuna sustatu nahi badugu. Altza Herri ikastolako ikasleek bi gomendio egin dituzte. Euskarazko liburuen artetik, Maite zaitut, Nadia (Anton Txekhov, Alex Orbe) eta Madasa (Michel Séonnet, Cécile Geiger).

Ibai ikastolako LH–2A gelako ikasleek Manuel Marsol autorearen Ahab y la ballena blanca album ilustratuarekin gozatu dute. Itsasoa misterioz josia dagoela dio Ahab kapitainak, balea zuriaren bila abiatzen denean, eta itsaso zabalean bizitzen dituen abentura arriskutsuak eta zirraragarriak kontatzen dizkigu, hitz gutxi eta ilustrazio zoragarrien bidez.

III. Album Ilustratuen Nazioarteko Edelvives Saria irabazi zuen lan honek 2014an. 

Aitor ikastolako LH-2B gelako ikasleek Antton Kazabonek idatzi eta Eider Eibarrek irudiztatutako liburu hau gomendatu digute: Tronpatxo.

Tronpatxo elefante potxoloa zoriontsu bizi da bere ama eta lagunekin, Keniako oihanetan. Azken aldian, ordea, kezkatzen hasia da, bere tronpa lagunena baino txikiagoa delako. Eta Elefante kumeak ez daki zer egin bere tronpatxoa luzatzeko.

Lortuko al du arazoa konpontzea?

Gorritxo eta Beltxiko Joxan Ormazabalek idatzitako istorio ederra da: “Ikatzaren koloreko inurri bat eta odolaren koloreko beste bat Eiffel dorrearen puntaren puntan elkartzen dira egun sargori batean. Hantxe bertan lagun egin eta badoaz biak norabiderik gabe, presarik gabe. Baina, ustekabean, abentura batean murgiltzen dira. Larrialdiak larrialdi, abenturarik politena bien arteko maitasuna bilakatzen da azkenean“.

Orixe ikastolako LH-1A gelako ikasleei irakasleak irakurri die istorioa, eta boz-gorako irakurketarekin asko gozatu dute. Egia da ez gaudela oso ohituak irakurketa mota honetara eta… gehiagotan egin beharko genuke!

Gorritxo eta Beltxiko, Irakurle Gazteak programaren Orixe ikastolako LH-1A gelako ikasleen gomendioa izan da.