Bloga
Post honen idazlea: Slawka Grabowska
Little Fires Everywhere, Celeste Ng
Penguin Press, 2017
338 or.
ISBN 978-0-5255-2256-0
Post hau ingelesez dago.
The summer vacation is over and the literary meetings are back. The first meeting of the Donostia Book Club is on September, 12th and this time we are talking about Little Fires Everywhere by Celeste Ng. The novel won the 2017 Goodreads Choice Awards and was the author’s second published book.
Post honen idazlea: Arantxa Arzamendi
Itzultzailea: Iker Sancho Insausti
Elkar, 2022
289 or.
ISBN 978-84-1360-194-6
Udako etenaldiaren ondoren, Donostia Kulturako liburutegiek literatur solasaldien programazioari ekingo diote. Lehenengo saioa hilaren 13an izango da, asteartea, arratsaldeko 19:00etan, Liburutegi Nagusiaren Alde Zaharreko Ekitaldi Aretoan Iñigo Aranbarriren gidaritzapean. Hitzordu honetarako berriki argitaratu den, Anton Txekhov-en 31 ipuin liburua aukeratu da.
La rosa de mi jardín, Arnold Lobel
Irudiak: Anita Lobel
Corimbo, 2022
ISBN: 978-84-8470-639-7
La rosa de mi jardín albumaren autoreak Arnold Lobel (testua) eta Anita Lobel (ilustrazioak) dira. Arnold Lobel internazionalki haur literaturako maisuetako baten moduan kontsideratua da, eta Anita Lobel ilustratzailearekin batera hainbat sariren irabazlea da. Liburua, larrosa batekin hasten da, eta pixkanaka larrosa horri bestelako hainbat lore batzen zaizkio lorategi baten deskripzioa eginez. Mila kolore eta lore ezberdin ikusi daitezke bertan: peonia, ekilore, lirio, bitxilore eta abar luze bat. Baina lorategi lasai eta baketsu horrek zerbait ezkutzatzen du, zer izango ote da?
El rey patata, Christoph Niemann
Malpaso, 2022
24 or.
ISBN: 978-84-19154-02-6
Aste honetan 5 urtetik gorako haurrentzako gomendioa dakarkigu: El rey patata liburua, Christoph Niemann autorearena. Patataren bidezko estanpazioak erabiliz, Fritz erregeak nola patata herriaren eta nekazarien elikaduran sartu zuen kontatzen digu autoreak, izan ere, liburua Prusiako Federiko II.aren gertakizunean oinarritzen da. Erregeak, Hego Ameriketatik iritsitako elikagaia osasungarria eta nutritiboa zela entzutean, herriaren elikaduran sartzea zuen helburu, baina herriaren erantzuna ez zen Fritz erregeak uste zuen bezain ona izan.
Post honen idazlea: Amaia García
Ustedes brillan en lo oscuro, Liliana Colanzi
Páginas de espuma, 2022
111 or.
Liliana Colanzi Serratek (Santa Cruz, Bolivia, 1981) Gizarte Komunikazioa ikasi zuen bere herrialdean, eta Latinoamerikako Ikasketetan masterra lortu zuen Cambridgeko Unibertsitatean. Horrez gain, Literatura Konparatuan doktoretza lortu zuen Cornellekoan, eta bertan Latinoamerikako Literaturako irakaslea da gaur egun. Kazetari eta zutabegile gisa ere lan egin du hainbat hedabidetan, eta “Dum Dum Editora” argitalpen-proiektua zuzentzen du. 2022an, Ribera del Duero sari ospetsua irabazi zuen, bere laugarren kontakizun-liburuarekin: Ustedes brillan en lo oscuro. Rosa Montero epaimahaiburuaren hitzetan, “Irrist egiten duen ipuin-liburu bat da. Errealitate anbiguo horretan irristatzen zara, errealitate kezkagarri horretan, errealitate eder horretan, errealitate beldurgarri horretan”. Izenburua ematen dion kontakizuna Brasilen gertatutako istripu erradioaktibo erreal batean oinarritzen da. Originalak eta indartsuak, Colanziren testuek bere belaunaldiko idazle latinoamerikar emakumeak bizitzen ari diren sormen une handia berresten dute.
Post honen idazlea: Amaia García
Estamos a salvo, Camila fabbri
Temas de hoy, 2022
171 or.
Camila Fabbri (Buenos Aires, 1989) idazlea, antzerkigilea eta aktorea da, baita hainbat komunikabide, aldizkari eta blog kulturaletan kolaboratzailea ere. Bere lehen kontakizun-liburua, Los incidentes, 2015ean argitaratu zen, eta 2022an bigarrena atera zuen, Estamos a salvo. Biltzen dituen 17 narrazioak laburrak dira, oso estilo leunekoak, nahiz eta agian indar edo konplexutasun apur bat falta zaien. “Sobras” kontakizunean, neskato batek bizilagunaren maskota arriskutsuaz hitz egiten digu, yacaré batez, nahiz eta beharbada arriskua animaliarengan ez dagoen. “Coches familiares” narrazioaren eszenatokia ezkontza bat da, eta protagonista bikotekidearekin joaten da, baina bakarrik alde egiten du. Kontakizun guztietan gatazka bat dago, ez beti esplizitua, eta hondamendiaren aukera itxaropenari kontrajartzen zaio. 2021ean Fabbrik bere lehen eleberria argitaratu zuen, El día que apagaron la luz, eta urte horretan bertan Grantak 35 urtetik beherako espainierazko 25 narratzaile onenen zerrendan hautatu zuen argentinar idazle bakarra bihurtu zen.
Likeo, luego existo, Isabel Meira
Irudiak: Bernardo P Carvalho
Takatuka, 2021
155 or.
ISBN: 978-84-18821-16-5
Isabel Meira kazetariak eta Bernardo P. Carvalho ilustratzaileak, besteak beste Portugaleko Ilustrazio Sari Nazionala edota Gustav Heinemann Peace Prize jaso ditu, gaur egungo globalizazioarekin zerikusia duten hainbat gogoeta eta zalantza planteatzen dizkiete 12 urtetik gorako gazteei Likeo, luego existo liburuan. Isabel Meiraren hitzetan, liburuaren helburu nagusia gazteek galderak egitea da eta horien erantzunak Google-tik haratago bilatzea. Horrekin batera, gaur egun dauden gai ezberdinak jorratzen dira bertan: mugikorrarekiko dagoen mendekotasuna, gizartearen polarizazioa, sare sozialak edota desinformazioa eta fake news-ek errealitatean duten eragina.
Post honen idazlea: Amaia García
Las voladoras, Mónica Ojeda
Páginas de espuma, 2020
121 or.
Monica Ojeda Francok (Guayaquil, Ekuador, 1988) bere herrialdean Gizarte Komunikazioa ikasi zuen, Literaturan aipamena eginez, eta ondoren Literatura-Sorkuntzan masterra lortu zuen Bartzelonako Pompeu Fabra Unibertsitatean. 2017an “Caninos” izeneko kontakizuna argitaratu zuen, egileak berak 2020 argitaratutako Las voladoras liburuaren sorburutzat jotzen duena. Idazleak “Andeetako gotiko “gisa definitu du bildumak biltzen dituen 8 kontakizunen estilo originala. Horietan, izuaz baliatzen da (askotan, mitologian sustraitutakoa) gizartean garrantzia handia duten, baina hainbatetan tabutzat hartzen diren, gaiak aztertzeko: hala nola, genero-indarkeria, abortua, sexualitatea edo erlijioa. “Cabezas voladoras” kontakizunak, adibidez, feminizidio baten aurrean jartzen gaitu, baina uma-en munduan ere sartzen gaitu, hau da, hegan egiteko haien buruak gorputzetik askatzen dituzten sorginak. Ojedak, egungo latinoamerikar literaturako ahots garrantzitsuenetako batek, hiru eleberri, bi poesia-liburu eta hiru ipuin-liburu argitaratu ditu dagoeneko.
Post honen idazlea: Amaia García
Primera persona. Ficciones reales, Margarita García Robayo
Tránsito, 2018
Margarita García Robayo (Cartagena, Kolonbia, 1980) Argentinan bizi den idazle kolonbiarra da. Zutabegile eta kultura-proiektuen koordinatzaile gisa ere lan egin du; besteak beste, Sudaquia bloga sortu zuen eta Tomás Eloy Martínez Fundazioa zuzendu zuen. 2019an Primera persona argitaratu zuen, bere bizipenak abiapuntutzat hartzen dituzten baina autobiografiatik oso urrun dauden 10 kontakizun biltzen dituen liburua (azpitituluak argitzen duen bezala). Orden kronologikoari ihes eginez, badirudi horietako bakoitzean gai bati aurre egiten diola, gaia agortu arte, beti esposizioaren eta ahalkearen arteko lerroa maisutasunez inguratuz: amatasuna, aita-alabaren arteko harremana, bizitza itsasoaren ondoan… “Leche” kontakizunean, adibidez, edoskitzearekin izandako esperientziak bide ematen dio hitz egiteko bateratzearen zailtasunaz, laguntza-politikarik ezaz, new age hazkuntzaren inposaketaz… Casa de las Américas (2014) saria irabazi duen García Robayok beste lau kontakizun-liburu eta hiru eleberri argitaratu ditu; berriena, Tiempo muerto (2017).
Post honen idazlea: Amaia García
Azken urteotan hainbat idazle latinoamerikarrek (Samanta Schweblin, Guadalupe Nettel, Mariana Enríquez…) bere narratibarekin liluratu bagaituzte, bere 
ondorengoak aurkitzeko unea da: azken urteetan argitaratutako eta 80ko hamarkadan jaio ziren Latinoamerikako emakume idazleek sinatutako bost kontakizun-liburuko sorta da hau.
Qué vergüenza, Paulina Flores Rojas
Seix Barral, 2016
293 or.
