X

Bidali zure gomendioak

Parte hartu gure blogean

apirilak 5, 2023

Txalopinak, Antton Kazabon

Txalopinak, Antton Kazabon

Ilustrazioak: Jokin Mitxelena

Denonartean, 2022

38 or.

ISBN: 978-84-17940-85-0

Gaurko gomendioa, Antton Kazabon eta Jokin Mitxelenaren Txalopinak, etxeko txiki zein helduentzako zuzendua dago. Zaharberrituriko kantak aurkituko ditugu liburu honetan, Antton Kazabon idazleak, aspaldidanik gaurdaino iritsi zaizkigun hainbat kantu bildu eta berridatzi ditu, kantuen beste aurpegi bat erakutsiz. Hortaz, ezagun egingo zaizkigun hainbat doinu topatuko ditugu, letra berriekin aurkezturik: Ama begira zazu, elurra teilatuan, gure aitak amari etab.

apirilak 3, 2023

Jende likidoa

Jende likidoa, Nerea Arrien

ISBN: 978-84-9109-601-6

Donostia:Erein,2021

192 or.

Joan den martxoaren 20an, Lugaritzen hilero egiten den euskarazko solasaldian, Nerea Arrienen Jende likidoa liburua mintzagai izan genuen. Oraingo honetan idazlea bertan izan zen eta solasaldian parte hartu zutenek aukera ezin hobea izan zuten liburuari buruzko azalpen interesgarriak entzuteko.

Gehiago irakurri

martxoak 29, 2023

Oihaneko epailea, J.M. Olaizola “Txiliku”

Oihaneko epailea, J.M. Olaizola “Txiliku”

Ilustrazioak: Aitziber Alonso

Elkar, 2013

41 or.

ISBN: 978-84-9027-073-8

Asteazken hontako gomendioa, Irakurle Gazteak programatik datorkigu, hain zuzen ere, Harri Berri Oleta ikastetxeko bigarren ziklotik. Ikastetxe hontako ikasleek Oihaneko epailea liburua gomendatu digute. J. M. Olaizola “Txiliku” idazleak, aspaldikoak diren istorioak azalduko dizkigu liburu honetan, antzinako kontakizun horietan zuhaitzek euren artean nola hitz egiten zuten edota animaliek nola galdu zuten mintzatzeko ahalmena kontatuko digu. Naturan barneratuko da idazlea eta gaurdaino iritsi diren istorioak azaleratuko dizkigu. Hortaz, orri hauetako protagonistak hainbat animalia eta landare izango ditugu, esaterako birigarroak, goroldioa, iratzea, tigrea, bufaloa eta beste hainbat.

martxoak 27, 2023

Túneles, Rutu Modan

Túneles, Rutu Modan

Salamandra graphic, 2022

287 or.

ISBN 9788418347627

 

Jerusalemen gaude, gaur egun. Bertan dugu Nili Broshi gure protagonista emakumea, arkeologoa izandakoa, seme baten ama, Doctor izenekoa. Niliren aita arkeologo judu ospetsua izan zen, eta orain burua galduta dago, gaitzak jota. Akzioa hasiko da bildumazale aberats bat behartuta dagoenean bere arkeologia bilduma osoa unibertsitateari dohaintzan ematera. Bilduma horretan Nilik buztinezko taula babiloniar bat aurkituko du, non azaltzen den Itunaren Kutxa mitikoaren kokapena (Indiana Jonesen filman bezala, bai). Orduan hasiko da Kutxaren bilaketa zoro bezain kaotikoa, non batuko diren rabino ultraortodoxoak, palestinarrak, soldadu judutarrak, ISISeko terroristak, eta beste hainbat pertsonaia, zein baino zein senetik irtendakoa.
Gehiago irakurri

martxoak 24, 2023

Sombras, censuras y tabús en los libros infantiles, Fanuel Hanán Díaz

Sombras, censuras y tabús en los libros infantiles, Fanuel Hanán Díaz

Universidad de Castilla-La Mancha, 2020

151 or.

ISBN: 978-84-9044-378-1

Gaurkoan, helduentzako den irakurketa gomendatzen dugu, Sombras, censuras y tabús en los libros infantiles eta Haur Liburutegi Nagusian dagoen Haur Liburuaren Dokumentaziogunean aurkitu dezakegu. Fanuel Hanán Díaz autoreak haur literaturan zentsurarekin zer ikusia duten alderdi ezberdinak jorratzen ditu, haur literatura kontrolerako instrumentu bezala nola erabili den eta erabiltzen den erakusten digu. Kapitulu ezberdinetan, liburu ezberdinen analisia gauzatuko du autoreak eta zentsurarekin eta tabuarekin zer ikusia duten gai ezberdinen inguruko azterketa ere gauzatuko du.

martxoak 22, 2023

¿Dónde está Tomás?, Micaela Chirif

¿Dónde está Tomás?, Micaela Chirif

Ilustrazioak: Leire Salaberria

Ekaré, 2016

32 or.

ISBN: 978-84-944291-1-8

¿Dónde está Tomás? etxeko txikienenetzako gomendaturiko liburua da, Micaela Chirif idazlearena eta Leire Salaberria ilustratzailearena. Liburuak Tomasi gehien egitea gustatzen zaizkion gauzak gertutik ikusteko aukera baimenduko digu: ezkutatzea eta amestea. Protagonistaren amak umea bilatzen duen bitartean, Tomasek toki ezberdinak deskubrituko ditu bere irudimenaren bitartez. Orrialde bakoitzean errealitate ezberdin batera gidatuko gaitu protagonistak, esaldi motz eta ilustrazio koloretsuen bidez.

martxoak 16, 2023

Cinco horas con Mario, Miguel Delibes

Cinco horas con Mario, Miguel Delibes

Destino 2010

978-84-233-4240-2

 

 

 

 

Datorren asteartean, martxoak 28, Liburutegi Nagusiko gaztelaniazko solasaldian Cinco horas con Mario eleberriari buruz hitz egingo dugu. Bikote baten intimitatea agerian uzten duen, eta XX. mendearen erdialdeko Espainiako gizartea kritikatzen duen barne-bakarrizketa hau arrakasta handiz eraman dute antzerkira.

Gehiago irakurri

martxoak 10, 2023

Please Look After Mother, Kyung-Sook Shin

Written by: Slawka Grabowska

Please Look After Mother, Kyung-Sook Shin

[London] : Weidenfeld & Nicolson 2022

261 pages

ISBN 978-1-4746-2168-7

 

 

A South Korean novel that both makes the readers uncomfortable and captivates them, both feelings feeling almost addictive. Despite dealing with a family drama, the book can be read in one sitting, it’s hard for us to put it aside without discovering how it ends.

Gehiago irakurri